Cond sij allen lieden dat henr(ic) my(n)nemoen en(de) henric my(n)nemoen sijn sone te voe(re)n/ uut des voirs(creven) henrics sijns vaders brode gedaen sijn come(n) in jege(n)wordicheyt der/ scepen(en) van loeven en(de) [hebbe(n)] gegeve(n) en(de) bekendt dat si gegeve(n) hebbe(n) henricke van/ rome van rotselaer ha(er)e hof en(de) goede gehete(n) te tiedeke ten tiedeken/ gelege(n) te ned(er)yssche mette(n) huyse(n) hoven wynnende lande(n) beemde(n) en(de) eeusele(n)/met alle(n) sine(n) toebehoerten tote(n) voirs(creven) hove horende gelijc arnt adaems die gehoude(n)/ heeft en(de) [noch] houdende es te houde(n) te hebbe(n) en(de) te wynne(n) van half m(er)te naest te comende/ ene(n) t(er)mijn va(n) sesse jae(re)n [lanc] daer na deen na dand(er) sond(er) myddel volgende ind(er)/ manie(re)n hier na volgende dats te wete(n) dat de voirs(creven) [henric] va(n) rome de wynne(n)de/ lande tote(n) voirs(creven) hove horende hebbe(n) en(de) wynne(n) sal ter helecht en(de) es/ vorw(er)de dat de selve wyn dwint(er) coren alle jae(re) sayen sal op vier/ getidege vore(n) en(de) dbelet op vijf getideghe voren en(de) de gherste op/ iii getidig(n) vore(n) en(de) deven op twee voren en(de) hi sal alle tlant voirs(creven)/ late(n) besayt met alsulken [sade] sayd als hijt besayt vinden sal en(de) te oexste/ alsmen tcoren bijndt dan sal de win den cost gheve(n) den ghene(n) die/ henric my(n)nemoen [voirs(creven)] aldaer seynden sal om de bande [te] slaen Ite(m) alsme(n) [des voirs(creven) henr(ickes) my(n)nemoen] tcore(n)/ derscht dan sal de wyn voirs(creven) hebbe(n) voe(re) de(n) cost dien hi de(n) derssche(re) geve(n)/ sal va(n) seve(n)thien molevate(n) een molevat Ite(m) sal de [voirs(creven)] win alle jae(re) leve(re)n/ vijfhondert walme de huysinghe [ald(aer)] mede te decken en(de) de win sal alle de(n)/ leem halen op sine(n) cost die men toten [voirs(creven)] huysinge(n) l orboe(re)n sal oec sal de voirs(creven)/ win alle jae(re) ene(n) ter tym(er)man die [de voirs(creven)] henric my(n)nemoen daer seynde(n) sal de(n)/ montcost gheven vier daghe lanc Ite(m) noch sal de voirs(creven) wyn de(n) pleckers en(de)/ de(n) deckers alsme(n) daer plect en(de) dect de(n) montcost gheve(n) en(de) [de selve] henr(ic) my(n)nemoen/ sal de dachhuere(n) betalen [beyde] bynne(n) shoefs en(de) buyten shoefs daer [den voirs(creven)] henric my(n)nemoens/ coren leeght uutghescheide(n) de porte daer af en soude [sal] de [voirs(creven)] win gheve(n) montcost/ gheve(n) Ite(m) dmest dat henric my(n)nemoen copen sal dies sal de wyn x/ voede(re) vuere(n) op [des selfs] henrics my(n)nemoens wijng(ar)t en(de) dander opt [voirs(creven)] lant en(de) de/ wyn sal also wel meste dlant dat v(er)re leeght als dat bi leeght en(de)/ so waer [de voirs(creven)] he(n)ric my(n)nemoen gheen mest en(de) cochte so sal wyn/ vier voede(re) mests vuere(n) uut der messye op [de voirs(creven)] henr(ic) my(n)nemoens wijng(ar)t/ oec sal de wyn halen alle de staken tot den selven wijng(ar)t en(de) den/ wijn vande(n) voirs(creven) wijng(ar)de te loeven b(re)nge(n) op des [voirs(creven)] wynne(n) cost Ite(m)/ henr(ic) my(n)nemoen en(de) de wyn [voirs(creven)] sele(n) hebbe(n) en(de) deyle(n) half en(de) half te gelike/ alle doest dat int voirs(creven) hof [goet] wassen sal en(de) de voirs(creven) win sal [des voirs(screven)] henrics/my(n)nemoens gelde gedeelte [d(aer) af] ter erden leve(re)n en(de) tot loeven b(re)nghen en(de)/ oec sal de wyn den cost gheve(n) den ghene(n) die henric my(n)nemoen daer/ seyndt alsmen doest leest
//
It(em) sal de wyn alle jae(re) gheve(n) de(n) voirs(creven) henr(ic) my(n)nemoen sesse/ gulde crone(n)[d(er) mu(n)te(n) skoninx va(n) vrancrijc] aut valo(r)em ts(int) m(er)tens misse te betale(n) alse van xiii/ dach(male) weyen aent hof [gelege(n)] d(aer) af deen eynde comt aende leydegracht/ en(de) dat sal hi rume(n) als de gebue(re)n rumen en(de) van ene(n) boend(er)/ ond(er) thof gelege(n) ond(er) svoeghts hof tot opte cleyn lade dat sal/ de win rume(n) alst de he(re) gebiedt Ite(m) de [voirs(creven)] wyn sal alle jae(re) sayen/ iiii molevate lijnsaets dien hem henric [my(n)nemoen] leve(re)n sal en(de) [deselve] henric my(n)nemoen/ sal kyesen op welc eynde dat hi gewas [ghesayt] hebbe(n) wilt en(de) de wyn/ sal tvlas te water leve(re)n alst behoert en(de) uuten water wed(er)/ vueren Ite(m) de [voirs(creven)] wy(n) [en] sal niet vare(n) met sine(n) waghen(e) noch met sine(n) p(er)de(n) om bute(n) shoefs yet te wynnen It(em) alle den afval die va(n)/ henr(ic) my(n)nemoes [wyngart] valle(n) sal dien sal hi int voirs(creven) [hof] b(re)nghen en(de) hi/ sal thof laten belok(en) en(de) begracht also hijt vinden sal en(de) niet/ meer trunck(en) da(n) hijs behoeft te loke en(de) inde scavyen sal/ hi thuyn luken en(de) stro w(er)pen alst behoeve(n) sal en(de) de poten/ uut de(n) loke sueke(n) en(de) setten en(de) ten lesten jae(re) sal de [voirs(creven)] wijn/ alle dmest uut de(n) stal en(de) ut(en) myssien opt lant vuere(n) en(de) daer op [breyden]/[en(de)] gebreydt laten Ite(m) sal de [voirs(creven)] wyn de [voirs(creven)] henric my(nnem)[oen] alle jae(re) vier dage dienen met sinen daghe [waghene] en(de) alle dat va(n) henrics my(nnem)[oen]/[goede] come(n) sal dat sal hem de voirs(creven) wyn te loeven b(re)nghen/ Ite(m) sal de voirs(creven) wyn alle de weghe maken alst de he(re) gebiedt/ en(de) hi sal alle jae(re) sayen heninche [t(er) helechte een] half dachmael rapen en(de)/ es vorw(er)de dat de voirs(creven) wij [win] alle jae(re) ts(int) remeysmisse alle/ tvoirs(creven) lant besayt sal hebbe(n) en(de) es vorw(er)de waert dat de [voirs(creven)] wyn/ yet dede make(n) aen sijn getouwe v aen wage(n) aen plueghe(n) ocht/ ande(re) dat hi dien loen wed(er) wael soude moge(n) v(er)diene(n) met sine(n) wag(en)/ en(de) p(er)de aende d rademake(re) ocht smede [daer dat gebue(re)n sal] hier voe(re) heeft de/ voirs(creven) wyn v(er)onderpandt en(de) te pande gesett en(de) verbond(en) hem/ selve(n) en(de) alle sine goede have en(de) erve so wae(r)men die vinden/ mach ocht gelege(n) sijn p(ro)mis(eru)nt d(i)c(t)e p(ar)te alt(er)a alt(er)i sat(is)face(re) abs(oelens) lomb(ar)t no(vembris) s(e)c(un)da