SAL7316, Akte: V°282.4-R°284.1 (2243 van 3071)
Akte V°282.4-R°284.1
Act
Soort akte: inbeslagname, Inbeslagname door Raes van Graven, schepen van Leuven
Soort akte: inbeslagname, Inbeslagname door Raes van Graven, schepen van Leuven
Datum: 1421-03-22
Taal: Nederlands
Transcriptie
2013-10-28 door Bart ThoelenIt(em) wij jan de witte en(de) gielijs de rike scepen(en) van loven(en) doen cont en(de) kenlic allen/lieden dat voir ons comen is raes van graven he(re) van maleevie(n) erfkem(er)linc van/brabant nu t(er)tijt scepen(en) van loven(en) onse [lieve] medegeselle als segger en(de) vriendelic/effenere gecoren en(de) genomen voir scepen(en) van loven(en) van b(er)nart van bourdeal die/ov(er)mits vo(n)nisse van scepen(en) brieven van loven(en) te gader met h(er) boudewijn vand(er)/porten priester beleidt is tot allen den goeden have en(de) erve jans van raetshove(n)/soen h(ere)n balloys wilen van raetshoven ridders sijns oems als p(ar)tije in deen side/en(de) oec janne boelhe swager des voirs(creven) jans van raetshoven als p(ar)tye in dander/side van alsulken stote als de selve p(ar)tijen underlinge hadden ov(er)mids des voirs(creven)/beleids briefs wille dien de voirs(creven) b(er)naert en(de) h(er) boudewyn hebben op de goede/des voirs(creven) jans van raetshoven daer af dat de selve raes de brieve te hem w(er)t/hadde also hi voir ons bekende en(de) verlydde ende heeft de selve raes ombeidt/de voirs(creven) p(ar)tijen vriendeliken en(de) mynliken te verenigen en(de) allen twiste en(de) stote/die in tiden toekomende tusschen den selven p(ar)tijen hier om en(de) om der goede/wille des voirs(creven) jans van raetshoven opv(er)staen en(de) gerisen mochten te verhueden
//
sijn seggen hier af voir ons gep(ro)nu(n)tieert uutgedragen en(de) geseeght inder manie(re)n/hier na bescreven volgende Inden yrsten es syn seggen dat de voirs(creven) b(er)naert/de voirs(creven) brieve beide schoutbrief en(de) beleidtbrief over hebben sal op also dat hi/te gade(r) met den voirs(creven) h(ere)nb(er)nart balduwyn vander porten priester den welke(n)/hi daer toe bedwingen sal sal volvue(re)n ende voldoen alle poynten en(de) vesticheide(n)/hier na in desen seggen gescrevenen en(de) vercleert Voirt es syn seggen dat/de voirs(creven) jan van raetshoven alle de goede die hi van syne(n) wegen houdende was/paysselic en(de) vredelic hebben besitten ende gebruken sal tot synre tocht also lange/als hi leeft sonder ymants wederseggen uutgescheiden alleen een stuc beempts/alsoet belegen is te helene bileeuwe dwelc men ter stont vercopen sal oft in/die stat also veel ande(re) goede als den voirscr(even) beempt boven den co(m)mer daer uut/gaende weert is om tgelt daer af te beke(re)n inden ov(er)tulligen costen die beide/de voirscr(even) p(ar)tijen om des voirs(creven) stoets willen te vervolgen gedaen en(de) geleden/hebben ende om daer af betaelt te worden lxxx vrancr(ijx) crone(n) vande(n) lichste(n)/gewichte zeke(re)n p(er)sone(n) hier na genoempt Voert es syn seggen dat de/voirs(creven) jan van raetshoven alle de goede die hi van synen wegen na doide des/voirs(creven) jans van raetshoven en(de) na de doet joffr(ouwe) mabilien syns wyfs/jan boelhre hore brueder en(de) syn nakomlingen hebben selen op de goede/gekomen vander siden des voirs(creven) jans van raetshoven x mudde corns der/maten van thienen erfpachts ende voert sal oec de selve joffr(ouwe) mabilie/des gelijx hebben na de doet des voirs(creven) jans van raetshoven op de selve/goede die van sijnre siden comen sijn x mudde corens erfpachts/en(de) maten voirscr(even) hoven eygene(n) wille mede te doen ende van desen/xx mudden corens sal de voirs(creven) b(er)nart van bourdeal met den voirs(creven)/h(er) baldewijn den voirs(creven) janne boelhe en(de) der voirs(creven) joffr(ouwe) mabilien/of den ghenen dien sijs begheert goede vesticheit doen mids macht/vanden voirs(creven) beleidtbrieve op goede zeke(re) pande en(de) goede daer sij loflec/op verpant selen sijn tusschen dit en(de) beloken paesschen neeste come(n)de/Item es sijn zeggen want jan van raetshoven voirs(creven) ende joffr(ouwe) mabelie sijn/voirs(creven) gesellynne hore wonynge ende conversacie bi een niet en houden dat/de voirscr(even) joffr(ouwe) mabilie alle goede van hore(n) wegen gekomen hebben/houden besitten en(de) gebruken sal paysselic en(de) vredelic tot hoerre tocht sonder/ymants wederseggen ende dat de voirscr(even) b(er)nart met den voirscr(even) h(ere)n baldewijn/yma(en)ne die der selver joffr(ouwe) mabilien genueght mids macht vanden voirs(creven)
//
beleidtbrieve daer af goede vesticheit doen sal also dat sijs te vreden sij/tusschen dit en(de) beloken paesschen neestkome(n)de Item noch heeft hi/geseeght voir sijn zeggen weert also dat de voirs(creven) joffr(ouwe) mabilie voir den/voirscr(even) janne van raetshoven horen man aflivich worde dat de selve/jan in alle den goeden gekomen vander siden der voirs(creven) joffr(ouwe) mabilien sijn tocht/behouden sal also lange als hi leeft en(de) dat na sijn doet die goede bliven/en(de) vallen selen den voirs(creven) janne boelhe ende synen nacomelingen tot ewelike(n)/dagen des gelijx oec gevielt also dat de voirs(creven) jan van raetshoven voir/der voirscr(even) joffr(ouwe) mabilien sine(n) wive van live ter doet quame so is sijn segge(n)/dat de voirscr(even) joffr(ouwe) mabilie in allen den goeden die comen sijn vander/siden des voirs(creven) jans van raetshoven hoe(re) leefdage lanc due(re)nde behoude(n)/sal hore tocht sonder wederseggen uutgescheiden alleen den beempt/te helene gelegen of de goede inde werde daer af dieme(n) vercopen sal/als voirscr(even) steet ende dat de voirs(creven) b(er)nart van bourdeal met den voirs(creven)/h(ere)n baldewijn den voirs(creven) janne van raetshoven en(de) joffr(ouwe) mabilien te wete(n)/elken van hen en(de) oec [den voirscr(even)] janne boelhe mids macht van sijne(n) beleidtbrieve/voirscr(even) daer ynne houden en(de) goedinge daer uut doen [also dat elke(n) van hen vast ende seker sijn sal] Item want de /bastartkinde(re) des voirs(creven) jans van raetshoven wat toespraken meynen/te hebben ten goeden w(er)ts des selfs jans hoers vaders en(de) in ocsuyn van/dierre toespraken den voirs(creven) janne boelhe swager des selfs jans van/raetshoven meynen souden aen te spreken so es des voirs(creven) raes zeggen/eest also dat de voirs(creven) kinde(re) de voirs(creven) toesprake te janne boelhe w(er)t/quijt schelden willen volcomelic en(de) al na goetduncken des voirs(creven)/raes tusschen dit en(de) beloken paesschen voirs(creven) dat de selve kinde(re) dan/te samen hebben selen na de doet des voirs(creven) jans van raetshoven op/goede zeke(re) pande vanden goeden des voirs(creven) jans van raetshoven van/sijnre siden gekomen daer sij mede verwarnt sijn xii mudde corns/erfpachs en(de) maten [van thiene(n)] voirs(creven) onder hen te deylen also den voirscr(even) raese dat/genuegen sal te bescheiden daer af dat hen de voirscr(even) b(er)nart met den/voirs(creven) h(ere)n baldewijn uut macht van syne(n) voirs(creven) beleidtbrieve vesticheit/doen sal maer waert also dat sij de voirscr(even) quita(n)cie den voirs(creven) janne/boelhe niet doen en wouden so is sijn seggen dat sij vanden goeden haers/vader voirs(creven) of vanden voirs(creven) pacht niet hebben en selen voertmeer
//
is sijn zeggen dat de voirscr(even) b(er)nart der voirs(creven) joffr(ouwe) mabilien of den ghene(n) dien/sijs begeert vesticheit doen sal bynnen xiiii nachten neestcome(n)de van lxxx crone(n)/vrancr(ijx) die te betalen te s(int) jans misse baptisten neest come(n)de als vervolghde schout/behoudelic in desen voirscr(even) zeggen ende altoes daer in uutgenomen of de joffr(ouwe)/van waesmont zuster des voirscr(even) jans van raetshoven in e(n)nige(n) gebreke we(re) van/hoerre deylingen van e(n)nigen goeden hore aengevallen oft verstorven van horen/vader of moeder So is sijn seggen dat sij daer af hore kintsgedeelte met rechte/volgen mach na den lantrechte Allen argelis inden voirscr(even) saken uutgescheiden/[Item d(i)c(t)us b(er)nardus p(ro)misit ratu(m) tene(re) ]/in orconscapen van welken dingen wij scepen(en) van loven(en) voirg(enoempt) onse segele aen/desen l(ette)ren hebben gehangenItem martii xxii a(n)no xxi [o]/
//
sijn seggen hier af voir ons gep(ro)nu(n)tieert uutgedragen en(de) geseeght inder manie(re)n/hier na bescreven volgende Inden yrsten es syn seggen dat de voirs(creven) b(er)naert/de voirs(creven) brieve beide schoutbrief en(de) beleidtbrief over hebben sal op also dat hi/te gade(r) met den voirs(creven) h(ere)n
//
beleidtbrieve daer af goede vesticheit doen sal also dat sijs te vreden sij/tusschen dit en(de) beloken paesschen neestkome(n)de Item noch heeft hi/geseeght voir sijn zeggen weert also dat de voirs(creven) joffr(ouwe) mabilie voir den/voirscr(even) janne van raetshoven horen man aflivich worde dat de selve/jan in alle den goeden gekomen vander siden der voirs(creven) joffr(ouwe) mabilien sijn tocht/behouden sal also lange als hi leeft en(de) dat na sijn doet die goede bliven/en(de) vallen selen den voirs(creven) janne boelhe ende synen nacomelingen tot ewelike(n)/dagen des gelijx oec gevielt also dat de voirs(creven) jan van raetshoven voir/der voirscr(even) joffr(ouwe) mabilien sine(n) wive van live ter doet quame so is sijn segge(n)/dat de voirscr(even) joffr(ouwe) mabilie in allen den goeden die comen sijn vander/siden des voirs(creven) jans van raetshoven hoe(re) leefdage lanc due(re)nde behoude(n)/sal hore tocht sonder wederseggen uutgescheiden alleen den beempt/te helene gelegen of de goede inde werde daer af dieme(n) vercopen sal/als voirscr(even) steet ende dat de voirs(creven) b(er)nart van bourdeal met den voirs(creven)/h(ere)n baldewijn den voirs(creven) janne van raetshoven en(de) joffr(ouwe) mabilien te wete(n)/elken van hen en(de) oec [den voirscr(even)] janne boelhe mids macht van sijne(n) beleidtbrieve/voirscr(even) daer ynne houden en(de) goedinge daer uut doen [also dat elke(n) van hen vast ende seker sijn sal] Item want de /bastartkinde(re) des voirs(creven) jans van raetshoven wat toespraken meynen/te hebben ten goeden w(er)ts des selfs jans hoers vaders en(de) in ocsuyn van/dierre toespraken den voirs(creven) janne boelhe swager des selfs jans van/raetshoven meynen souden aen te spreken so es des voirs(creven) raes zeggen/eest also dat de voirs(creven) kinde(re) de voirs(creven) toesprake te janne boelhe w(er)t/quijt schelden willen volcomelic en(de) al na goetduncken des voirs(creven)/raes tusschen dit en(de) beloken paesschen voirs(creven) dat de selve kinde(re) dan/te samen hebben selen na de doet des voirs(creven) jans van raetshoven op/goede zeke(re) pande vanden goeden des voirs(creven) jans van raetshoven van/sijnre siden gekomen daer sij mede verwarnt sijn xii mudde corns/erfpachs en(de) maten [van thiene(n)] voirs(creven) onder hen te deylen also den voirscr(even) raese dat/genuegen sal te bescheiden daer af dat hen de voirscr(even) b(er)nart met den/voirs(creven) h(ere)n baldewijn uut macht van syne(n) voirs(creven) beleidtbrieve vesticheit/doen sal maer waert also dat sij de voirscr(even) quita(n)cie den voirs(creven) janne/boelhe niet doen en wouden so is sijn seggen dat sij vanden goeden haers/vader voirs(creven) of vanden voirs(creven) pacht niet hebben en selen voertmeer
//
is sijn zeggen dat de voirscr(even) b(er)nart der voirs(creven) joffr(ouwe) mabilien of den ghene(n) dien/sijs begeert vesticheit doen sal bynnen xiiii nachten neestcome(n)de van lxxx crone(n)/vrancr(ijx) die te betalen te s(int) jans misse baptisten neest come(n)de als vervolghde schout/behoudelic in desen voirscr(even) zeggen ende altoes daer in uutgenomen of de joffr(ouwe)/van waesmont zuster des voirscr(even) jans van raetshoven in e(n)nige(n) gebreke we(re) van/hoerre deylingen van e(n)nigen goeden hore aengevallen oft verstorven van horen/vader of moeder So is sijn seggen dat sij daer af hore kintsgedeelte met rechte/volgen mach na den lantrechte Allen argelis inden voirscr(even) saken uutgescheiden/[Item d(i)c(t)us b(er)nardus p(ro)misit ratu(m) tene(re) ]/in orconscapen van welken dingen wij scepen(en) van loven(en) voirg(enoempt) onse segele aen/desen l(ette)ren hebben gehangen
Nagekeken door: Inge Moris , Sabrina Keyaerts
Moderator: Inge Moris
Schepenen
- Jan de Witte
- Gielis de Rike
Laatste update:: 2012-11-27 door Sabrina Keyaerts