It(em) henric ve(re)ngheertruden van he(re)nt es comen in jeg(ewordicheit) der scepen(en)/van loven(en) en(de) heeft genomen en(de) bekent dat hi ghenomen heeft van/meest(er) gielise vand(er) stoct clerc der stat van loven(en) een half boend(er) lants/of daer omtrent gelege(n) te he(re)nt opt vloetvelt neve(n) de goede willems/grut(er)s te houde(n) te hebbe(n) en(de) te wy(n)nen van s(int) nijs misse dat sijn sal/int jaer onss he(re)n m cccc xxiii ene(n) t(er)mijn van vi jae(re)n lang deen/nae dand(er) d(aer) nae staphants volgen(de) elx jaers die(re)nby(n)ne(n) o(m)me xii/molevate rogs pacht van he(re)nt goet en(de) payabel der mate(n) van loven(en)/te s(int) andr(ies) misse apostels te betalen(de) en(de) te lov(en) te leve(re)n jaerlix den/voirs(creven) t(er)mijn due(re)nde en(de) telken t(er)mine als vervolghde schout ende/heeft geloeft de voirs(creven) henric op tvoirs(creven) lant by(n)ne(n) den voirs(creven) t(er)mine/te vue(re)n viiii viii voed(er) m(er)ghels en(de) tselve lant te wy(n)nen en(de)/te mesten gelijc sine(n) reengenoten huffle py(n)noc julii vi/