SAL7317, Akte: V°10.2 (3 van 169)
Akte V°10.2
Act
Datum: 1422-07-04
Transcriptie
2017-05-14 door helga peetersIt(em) claes wisschart wonende te leefdale es comen in jeg(enwoirdicheit) der scepen(en) van/
loven(en) en(de) heeft genomen en(de) bekent dat ghi genomen heeft van ja(n)nes en(de) lod(ewijck)/
van oppend(orp) gehete(n) van ralenbeke gebruede(re)n drie boend(er) lants of daer omtrent/
gelege(n) te leefdale op de ghev(er)shoeve neve(n) de lande jans snoec Te houden te/
hebben en(de) te wy(n)nen van kersmisse dat was int jaer ons he(re)n m cccc en(de) twintich/
ene(n) t(er)mijn van negen jae(re)n lang deen nae dand(er) sond(er) middel volgen(de) elx/
jaers dae(re)nby(n)nen o(m)me derdalf mudde rogs pacht van leefdale goet en(de)/
payabel der maten van loven(en) te s(int) andr(ies) misse apost(els) te bet(alen) en(de) te loven(en) te/
leve(re)n jaerlix den voirs(creven) t(er)mijn due(re)nde en(de) telken t(er)mine als vervolghde schout/
Ende heeft geloeft de voirs(creven) claus dat hi tvoirs(creven) lant by(n)nen den voirs(creven) t(er)mine/
eens wel en(de) loflic ov(er)mesten sal en(de) dat te wettig(er) waerh(eit) bewisen Oec/
es vorwerde dat de selve claes tvoirs(creven) lant niet hoervruchten en sal/
mar hi sal tselve lant ten eynde van sine(n) t(er)mine bloet laten [alsoe hijt vind ten ingaen vande(n) selve(n) t(er)mine] en(de) de grebben/
daer doir gevloten loflic laten vermaect en(de) ghevult ouderogge ridder/
julii iiii
Nagekeken door: helga peeters , Jos Jonckheer
Moderator: Jos Jonckheer
Laatste update:: 2017-05-15 door Jos Jonckheer