Van h(ere)n jacob vand(er) capellen en(de) vrancke(n) bonjours/ It(em) tvo(n)nisse tusschen h(ere)n jacop vander capellen die beleidt is tot den goeden/ gheerts smeets in deen side en(de) vrancke(n) bonjours in dande(re) als vande(n) goede(n) hier na/ bescreve(n) te weten iii dachmale lants gelege(n) inde p(ro)chie van lare in drien stucken/ daer af deen stuc gelegen is aldaer bide loe neest den goeden der kinde(re) staels dander/ stuc is gelegen aldaer bide do(m)melkisstrate en(de) tderde stuc is geleg(en) aldaer biden/ huyntsenberch neest den goeden sheilichsgheests van lare was uutgedragen biden/ he(re)n scepen(en) van loven(e) met desen worden na aenspraken andworden thonis en(de)/ al dats voir hen come(n) was dat alsulken aensprake als vranck bonjours gedaen/ hadde opde goede voirs(creven) dat die h(ere)n jacob noch syne(n) beleide gheen onstade doen en sal/ also v(er)re alst noch voir hen comen is P(rese)ntibus rike g(ra)ven py(n)noc iunior lye(min)[ge(n)] lynden/ ponte hug(ar)den iunior oct(obris) xvi