Tvo(n)nis tussche(n) wout(er) pynnoc en(de) god(er)t bone
//
It(em) het sijn come(n) in rechte voir meye(re) en(de) scepen(en) va(n) loven(en) op de goede hier/na bescreve(n) wout(er) pynnoc in deen side en(de) godert bone in dander daer de voirs(creven)/wout(er) pynnoc bewijsde also hi seggen dede dat na den goede(n) vo(n)nisse biden/he(re)n scepen(en) va(n) loven(en) voir s(int) jansmisse lestleden gewijst va(n) ene(n) wege/gelegen acht(er) tvleeschuys va(n) loven(en) bynne(n) der porte(n) gehete(n) meest(er) giffroits/porte de voirs(creven) goert hem ongebruyc dede want de selve goerd doer syn/vorste huys ghinc doer een dore tot int echterste huys en(de) van daer voert/tot opde(n) voirs(creven) wech en(de) doer de voirs(creven) porte ter straten uut en(de) weder vander/straten doer de porte en(de) ov(er) den wech tot in sijn echterste huys en(de) voert/doer de voirs(creven) dore tot in sijn vorste huys dwelc de voirs(creven) wout(er) pynnoc /hoepte dat hi niet sculdich en wae(re) te doen na de goede vo(n)nissen voirmaels/daer op gewijst met welken stucken voirs(creven) de voirs(creven) goert den voirs(creven) wech/grotelic verswaerde voirder dan tvo(n)nis gewijst hadde hoepte en(de) meyndde/dat goert de dore die hi tusschen sijn huys en(de) sine(n) stal gemaect hadde toedoen/en(de) vermaken soude Daer op dat de voirs(creven) goert andworde dat hi hoepte na/de goede vo(n)nissen die de scepen(en) voir s(int) jans misse gewijst hadden dat hi of got /wilt die dore niet sculdich en wae(re) toe te maken en(de) dat een onmogelic dinck/wae(re) dat hi va(n) sine(n) huys in syne(n) stal niet gaen en soude mogen want/beide sijn erve wae(re) badt en(de) versocht den meye(re) van loven(en) en woude wout(er) /voirs(creven) niet af laten dat hi de scepen(en) maende en(de) daets hem een vo(n)nisse/Also dat de meye(re) va(n) loven(en) maende de scepen(en) van loven(en) na aensprake(n)/en(de) andworde(n) wes recht syn soude die wijsden voir een vo(n)nisse [dat sij die scepen(en) die voirs(creven) jans misse wae(re)n begeerde(n) te aenhore(n) en(de) dae(re)n tegende(n) recht die aengehoirt. Soe maende de meye(re) voirt de scepen(en) wes recht sijn soude Die wijsden voir een vo(n)nisse] dat de/voirs(creven) goert bone sijn gebruyc hebben soude va(n) sine(n) vorste(n) huys/doir de dore tot in synen stal en(de) uut sine(n) vorste(n) huys doir de dore /en(de) doer sine(n) stal op den wech niet comen en(de) voert dat hi sijn gebruyc/hebben sal doer de porte ov(er) den wech tot in sine(n) stal mair vande(n) selve(n)/weghe doer sine(n) stal tot in sijn vorste huys niet comen En(de) den voirs(creven)/wech niet voirder noch meer beswae(re)n dan de vo(n)nissen voir gewijst hebben/P(rese)nt(ibus) rike g(ra)ve(n) pynnoc iunior lye(min)[ge(n)] lynden ponte hug(ar)den iunior no(vem)[br(is)]/xxvii a(n)no xiiii[c] xxiii[o]