Item claes van nuysb(er)ge is come(n) in jeg(ewoirdicheit) der scepen(en) van loven(e) en(de) heeft/ geg(even) en(de) bekent dat hi gegeve(n) heeft thomaes warnier van s(int) remeys/ gheest vijf boend(er) lants of daer omtrent gelege(n) omtrent s(int) remeys/ gheest in xiii stucke(n) en(de) iii dachmael beemts in drie stucke(n) gelege(n)/ gelijc sij hem bewijst sijn Te houde(n) te hebbe(n) en(de) te wynne(n) van halfm(er)te/ lestlede(n) ene(n) t(er)mijn van ix ja(r)en lang deen nae dand(er) d(air) nae staphans/ volgende elro elx jaers dae(re)nbynne(n) o(m)me thien sacke [pacht] tarwe(n) goet en(de)/ payabel der mate(n) van thiene(n) te s(int) andries misse te betale(n) en(de) te loven(e)/ te leve(re)n den voirs(creven) t(er)mijn due(re)nde en(de) telke(n) t(er)mine als v(er)volghde/ schout Behoudelic dien dat des voirs(creven) thomaes boden hoe(re)n cost/ hebbe(n) selen als sij den pacht brenge(n) en(de) es vorw(er)de dat de voirs(creven)/ thomaes tvoirs(creven) lant bynne(n) den voirs(creven) t(er)mine eens wel en(de) loflic/ sal ov(er)mesten en(de) tselve lant laten ten uutgange van sine(n) t(er)mine/ alsoe hijt vant te sine(n) aencome(n) Voert es vorw(er)de dat de voirs(creven)/ thomaes ten eynde vande(n) voirs(creven) t(er)mine te oeghste vr [dwynt(er)coren van] vijf dachmaele(n)/ lants of d(air) omtrent in vier stucke(n) gelege(n) te hemw(er)t trecke(n) en(de) behoude(n)/ sal sond(er) claes d(air) af yet te hebben Ende dese voirs(creven) vorw(er)de(n) ende/ geloefte(n) hebbe(n) geloeft de voirs(creven) claes in deen side en(de) thomaes in/ dande(re) malcande(re)n vaste en(de) gestedich co(ram) py(n)noc iunior ponte ap(ri)l(is) xii