SAL7318, Akte: R°327.2 (2524 van 3140)
Akte R°327.2
Vacat
Act
Soort akte: lijfrente, Lijfrente met mogelijkheid tot terugkoop
Soort akte: lijfrente, Lijfrente met mogelijkheid tot terugkoop
Datum: 1424-04-12
Taal: Latinum
Transcriptie
2011-10-03 door Willy StevensItem claes van nuysb(er)ge is come(n) in jeg(enwoirdicheit) der scepen(en) van loven(en) en(de) heeft /geg(even) en(de) bekent dat hi gegeve(n) heeft thomaes warnier van s(int) remeys /gheest vijf boend(er) lants of daer omtrent gelege(n) omtrent s(int) remeys /gheest in xiii stucke(n) en(de) iii dachmael beemts in drie stucke(n) gelege(n) /gelijc sij hem bewijst sijn te houde(n) te hebbe(n) en(de) te wynne(n) van halfm(er)te /lestlede(n) ene(n) t(er)mijn van ix jae(re)n lang deen nae dand(er) d(aer) nae staphans /volgende elre elx jaers dae(re)nbynne(n) o(m)me thien sacke [pacht] tarwe(n) goet en(de) /payabel der mate(n) van thiene(n) te s(int) andries misse te betale(n) en(de) te loven(en) /te leve(re)n den voirs(creven) t(er)mijn due(re)nde en(de) telke(n) t(er)mine als v(er)volghde /schout behoudelic dien dat des voirs(creven) thomaes boden hoe(re)n cost /hebbe(n) selen als sij den pacht brenge(n) Ende es vorw(er)de dat de voirs(creven) /thomaes tvoirs(creven) lant bynne(n) den voirs(creven) t(er)mine eens wel en(de) loflic /sal ov(er)mesten en(de) tselve lant laten ten uutgange van sin(en) t(er)mine /alsoe hijt vant te sine(n) aencome(n) voert es vorw(er)de dat de voirs(creven) /thomaes ten eynde vande(n) voirs(creven) t(er)mine te oeghste vi [dwynt(er)coren van] vijf dachmaele(n) /lants of d(aer) omtrent in vier stucke(n) gelege(n) te hemw(er)t trecke(n) en(de) behoude(n) /sal sond(er) claes d(aer) af yet te hebben ende dese voirs(creven) vorw(er)de(n) ende /geloefte(n) hebbe(n) geloeft de voirs(creven) claes in deen side en(de) thomaes in/dande(r) malcande(re)nvaste en(de) gestedich etc(etera) py(n)noc iunior ponte ap(ri)l(is) xii
Nagekeken door: Inge Moris
Moderator: Inge Moris
Schepenen
- Jan Pynnock de jonghe
- Jan vander Brugghen
Laatste update:: 2011-10-03 door Inge Moris