It(em) wout(er) van hondsb(er)ghe van leefdale is comen in jeg(enwordicheit) der scepen(en)/ van loven(e) en(de) heeft genome(n) en(de) bekent dat hi genomen heeft jegen/ h(ere)n ja(n)ne boxho(r)en ridde(r) de lande hier nae bescreve(n) gel des selfs/ h(ere)n jans geleg(en) te leefdale inden iersten xiiii dach(mael) lants geleg(en) int velt/ gehete(n) den grote(n) ham tusschen de lande der cap(it)len van s(int) pet(er)s te loven(e)/ en(de) scloest(er)s van hafflighem It(em) vi dach(mael) lants geleg(en) op tselve velt/ tusschen de lande svoirs(creven) cloest(er)s van hafflighem en(de) willems vand(er) pont/ It(em) x dach(mael) lants of d(aer) omtrent geleg(en) op tvelt bove(n) drabs tusschen/ de goede scloest(er)s van hafflige(m) en(de) de lande des voirs(creven) wout(er)s It(em) vi dach(mael)/ lants geleg(en) op tselve velt tusschen de lande scloest(er)s van hafflige(m) en(de)/ willems vand(er) pont voirg(enoemt) It(em) x dach(mael) lants geleg(en) inde(n) cleyne(n) ham/ tusschen scloest(er)s van hafflige(m) en(de) lijsbetten vande(n) bruele It(em) vi dach(mael)/ lants geleg(en) op tselve velt tusschen de lande scloest(er)s van hafflige(m) en(de)/ de lande des selfs wout(er)s gelijc de voirs(creven) lande ald(aer) gelege(n) sijn luttel/ myn of meer houden(de) inde mate Te houde(n) te hebbe(n) en(de) te wy(n)ne(n)/ van halfmeye dat was int jaer ons he(re)n m cccc xxiii ene(n) t(er)mijn/ van ix ja(r)en lang deen nae dand(er) sond(er) middel volgen(de) elx jaers/ dae(re)nby(n)ne(n) o(m)me x mudde rogs goet en(de) payabel der maten van/ loven(e) te s(int) andr(ies) misse apost(els) te bet(alen) en(de) te loven(e) te leve(re)n den voirs(creven)/ t(er)mijn due(re)nde en(de) telken t(er)mine als vervolgde schout behoudelic dien/ dat de voirs(creven) woute(r) by(n)ne(n) den voirs(creven) ix ja(r)en gheve(n) sal viii pachte en(de)/ niet meer Ende es vorw(er)de dat de voirs(creven) woute(r) ten de voirs(creven) lande/lat by(n)ne(n) den voirs(creven) t(er)mine eens wel en(de) loflic ov(er)meste(n) sal en(de) de selve/ lande ten eynde vande(n) voirs(creven) t(er)mine laten gelijc hise vant in sinen
//
te weten is de voirs(creven) lande gelege(n) inde(n) grote(n) ham brake de lande/ op tvelt bove(n) drabs met rogge besaeyt [op drie getidege vo(r)en] en(de) de lande op den cleynen/ ham met evene(n) besaeyt elc met sine(n) getigen voren gelijc reenge [op twee getidege vo(r)en]/ noten op(pendorp) walt(eri) ca(pelle)[ma(n)] jul(ii) vi