SAL7319, Act: R°263.2-V°264.1 (2216 of 2922)
Search Act
previous | next
Act R°263.2-V°264.1  
Act
Date: 1425-03-29

Transcription

2021-01-28 by Mi-Je Van Gils
Cont sij allen lieden dat jan vander beken van bout(er)shem is come(n) (et)c(etera)/
en(de) heeft genome(n) en(de) bekent dat hi genome(n) heeft van godefroit van danlez/
he(re) van gentinez de wy(n)ninge des selfs godefroits gelege(n) te mollenbais saint/
pire mette(n) wynnen(de) lande beemde(n) eeuselen hove(n) bog(ar)den en(de) alle(n) hoe(re)n toebe/
hoirte(n) gelijc de wynne(n) die voirtijts gehadt hebbe(n) sond(er) hem die goede mit/
e(n)nig(er) mate(n) gelevert te w(er)den Te houde(n) te hebbe(n) en(de) te wynne(n) van/
opte(n) yerste(n) dach van meye neestkomen(de) ene(n) t(er)mijn van vier ja(r)en lang/
deen na dand(er) sond(er) middel volgen(de) elx jaers dae(re)n bynne(n) o(m)me lxii mudde/
pachtarwen goet en(de) payabel der mate(n) van loven(e) also als deen pechtene(re)/
den ande(re)n betalen sal te mollebais voirs(creven) te s(ente) andriesmisse apostels te bet(alen)/
[den vors(creven) godefr(oit) en(de) ja(n)ne van v(er)trike of den ene(n) van hen b(ri)nge(r) des br(iefs) als v] en(de) te leve(re)n te wete(n) deen helcht d(aer) af opte(n) solde(r) des voirs(creven) godefroits by(n)ne(n)/
der stat van thiene(n) op cost des voirs(creven) wy(n)nen en(de) dand(er) helcht opte(n) solde(r)/
des voirs(creven) godefroits wy(n)ne(n) den voirs(creven) hove te mollenbais [alle ja(r)e den vors(creven) t(er)mijn duer(ende) en(de) telken t(er)mine als v(er)volghde scout] Ite(m) sal hebbe(n)/
de voirs(creven) wynne den voirs(creven) t(er)mijn due(re)nde de beemde gehete(n) de gottar ende de/
willege(n) staende opte(n) selve(n) beempt en(de) op alle dand(er) beemde die de voirs(creven)/
wynne houden(de) es o(m)me seven hollan(sche) gulden sjaers te wete(n) twee vranc(rijx)/
crone(n) swaer van gewichte of de werde d(aer) af voe(r) iii hollan(sche) gul(den) gerekent/
te s(ente) mertens misse inde(n) wynt(er) te betalen [d(i)c(t)o godefr(ido) (et) joh(ann)i a(ut) alt(er)i als v(er)volghde scout] Ite(m) sal de voirs(creven) wynne hebbe(n) den toemaet
//
vande(n) beemde alle tour en(de) vande(n) beemde a spontin mar de voirs(creven) godefr(oit)/
sal hebben thoy d(aer) af en(de) den loke omtrent den voirs(creven) beemde staende ende/
dat hoy sal de wynne den voirs(creven) godefroit in sijn schue(r) vue(re)n te mollebais/
Welke beemde de wynne op sine(n) cost sal doen bevrede(n) van des voirscr(even)/
godefroits loeke en(de) de selve godefroit sal de beemde doen mayen acht/
dage voe(r) s(ente) jans misse of acht dage na s(ente) jans misse of ten lanxste(n)/
bynne(n) xiiii nachte(n) na sente jans misse Ite(m) sal de voirs(creven) wynne jairl(ix)/
leve(re)n vi[c] walme(re) de huysinge voirs(creven) mede te decken en(de) alsme(n) die ald(aer)/
verdect soe sal de wynne den wercliede(n) den cost gheve(n) en(de) godef(roit)/
sal de dachue(re)n betalen Oec sal de voirs(creven) wynne van nu voertaen/
den voirs(creven) t(er)mijn due(re)nde halen leem en(de) ty(m)merhout die bynne(n) den voirs(creven)/
hove gebreken sal sond(er) tot nuw(er) ty(m)meringe(n) alsoe v(er)re als dat hout/
op de goede voirs(creven) steet Ende oec van nu voertaen sal de voirs(creven) wynne/
den vorste vande(n) voirs(creven) huysinge(n) en(de) de wande vande(n) underste(n) rikele(n)/
nederwert houde(n) in goede(n) state Ite(m) sal de voirs(cerven) wynne den voirs(creven)/
godefroit jairlix gheve(n) een halster raepzaets op dat hi raepzaet/
wynt en(de) en wonne hijs niet so soude hi bynne(n) dien ja(r)e d(aer) af/
ongehoude(n) sijn Ite(m) sal de voirs(creven) wynne den voirs(creven) godefroit jairl(ix)/
gheve(n) een halst(er) boene(n) en(de) een halster witter erwite(n) Ite(m) sal de/
voirs(creven) [wynne] m(ijn) vrouwe(n) godefroits gesellynne(n) jairlix twee geldenaex scier/
lijnzaets zayen mette(n) sinen en(de) [op alsoe dat] m(ijn) vrouwe sal hem jairlix d(aer) toe/
tsaet gheven [leveren sal] Item sal de voirs(creven) wynne den voirs(creven) godefroit jairlijx/
een horen beeste zome(re)n mette(n) sine(n) Ite(m) sal de voirs(creven) wynne jairlix/
op tvoirs(creven) goet zette(n) xxv pote(n) daers meest te doen sijn sal ende/
waert alsoe dat d(aer) ene(n) boem verdroeghde dien sal de wynne moige(n)/
afhouwen en(de) twee pote(n) vande(n) selve(n) arde daer voer wed(er) sette(n) mar/
hi en mach noch eyken noch kerssele(re)n struncken het en sij mit wille/
en(de) consente des voirs(creven) godefroits of het en wa(r)e dat sij den voirs(creven) wy(n)ne/
scade daden aen sijn vrocht soe soude de voirs(creven) godefroit die moete(n) doen/
afhouwe(n) Ite(m) vant de voirs(creven) wynne te sine(n) income(n) den wynt(er)art/
gelegege(n) tussche(n) mollebays en(de) aynynez bezayt met wynt(er)coerne/
wel ende loflic als doen getaxeert dboend(er) op vijf mudde corens en(de) hi
//
sal den selve(n) art sculd(ich) sijn bezayt te laten ten eynde van sine(n) t(er)mine voirs(creven)/
met wynt(er)coerne wel en(de) loflic gelijc den reengenoete(n) [op alsoe] vyntme(n) dan/
ten eynde vande(n) selve(n) t(er)mine dat elc boend(er) beter es dan vijf mud(de)/
corens dat sal de voirs(creven) godef(roit) den wynne oprichte(n) w(er)t oec dat/
my(n) we(re) dan vijf mud(de) corens dat sal de wynne den voirg(enoemde) godef(roit)/
oprichten Item sal de voirs(creven) wynne te oeghste na den uutganc/
vande(n) voirs(creven) t(er)mine te hemw(er)t trecken tcoren en(de) tkaf van v dachmale(n)/
lants sond(er) tstroe welc vijf dachmael gelegen sijn aende(n) couter van/
aynynez en(de) oft tvoirs(creven) stucke niet vijf b dachmael groet en es soe/
salme(n) hem dat volmaken van ande(re)n lande noch vande(n) argsten noch/
vande(n) besten Item sal de voirs(creven) wynne den zomer art bezayt laten/
alsoe hi dien vant te wete(n) es tstucke gelege(n) aen die weetmolen bezayt/
met grauwen erwiten Ite(m) tstuck boven den beempt gehete(n) alle heyppe/
met crocken le preit lorain half met witte(n) erwite(n) en(de) half mit g(er)sten/
Item tstuck bove(n) den beempt gehete(n) alle heyppe met crocken Item/
tstuck gelege(n) te bossuyt bide(n) beemt van gruene(n)dale met crocken Ite(m)/
stsuck gelege(n) opte(n) wech van opgeldenake(n) bide(n) beemt des voirs(creven) godefr(oits)/
met crocken Ite(m) tstuck acht(er) huppaingne houden(de) iii dach(mael) met orgoel/
Ite(m) tstuc gelege(n) te bossuyt een dach(mael) met leyse bezayt en(de) alle dand(er)/
lant met evene(n) Ite(m) sal de voirs(creven) wynne nae hem trecke(n) los en(de) vry/
de vrucht vande(n) stuck lants dat gelege(n) es opte(n) cruyswech iii jaer voer/
sijn afgaen vande(n) voirs(creven) t(er)mijn gemest Ite(m) sal de voirs(creven) wynne dat dbloc/
gelege(n) bij sponty aende(n) de bogart ten afgaen van sine(n) t(er)mine voirs(creven)/
laten bezaeyt met spelten En(de) dat bloc gelege(n) tussche(n) ernoult vander/
motte(n) en(de) jans vand(er) motte(n) voer de porte sal hi late(n) bezaeyt met/
raepzade Item d vant de voirs(creven) wynne de brake eens om gedaen/
en(de) tzom(er)coren al gesaeyt en(de) dmest uuter messien al gevuert ende/
alsoe sal hijt late(n) Ite(m) sal de voirs(creven) wynne de(n) voirs(creven) t(er)mijn due(re)nde de/
voirs(creven) lande wynne(n) en(de) werve(n) gelijc sine(n) reengenoete(n) en(de) allet stroe en(de)/
vuesteringe vande(n) selve(n) lande comen(de) sal de voirs(creven) wynne int voirs(creven) hof/
brenge(n) en(de) dat ald(aer) ette(n) met sine(n) beeste(n) en(de) te meste make(n) en(de) dat vue(re)n/
opt voirs(creven) lant slants meeste(n) p(ro)fite Ende alle dese voirs(creven) vorw(er)den en(de)
//
geloeften hebben [heeft] geloeft de voirs(creven) [jan de wy(n)ne den vorscr(even)] godef(roit) in deen side en(de) de wynne in/
dande(re) malcande(re)n [te voldoen (et)c(etera)] (et)c(etera) H(ier) af sijn borge(n) des voirs(creven) wy(n)nen als p(ri)ncip(ael)/
sculde(re)n onges(undert) en(de) ongescheide(n) en(de) voer al willem vand(er) bueken beke(n)/
sijn vad(er) arnt vander beken brued(er) des selfs wynne(n) jan willems/
van mollenbais henr(ic) streecma(n) vand(er) nuw(er)capelle(n) en(de) henric/
streecma(n) de jonge sijn sone Et p(ri)mus opp(endorp) wante m(ar)tii xxix
Contributorsmyriam bols
Moderated bymyriam bols
Last update: 2016-02-23 by xavier delacourt