SAL7319, Act: R°265.2 (2222 of 2922)
Search Act
previous | next
Act R°265.2  
Act
Date: 1425-03-29

Transcription

2021-01-24 by Mi-Je Van Gils
It(em) van alsulken stoote als is geweest tusschen jacob uuten lyemyngen/
jans sone in deen side en(de) ja(n)ne van gheele in dande(re) ruerende vande(n) goede(n)/
gelegen te ned(er)ysche de welke de voirs(creven) jacob gehoude(n) en(de) gewonne(n) heeft die/
den voirs(creven) ja(n)ne in deylingen gevallen sijn daer af dat de voirs(creven) jan meyndt/
dat hi die niet gewonne(n) gehoude(n) noch gelaten en heeft alsoe hi sculdich wa(r)e/
te doen Soe sijn beyde de voirs(creven) p(ar)tien comen voir scepen(en) van loven(e) en(de) sijn vande(n)/
voirs(creven) stoete bleve(n) en(de) hebben hen eendrechtichlic gekeert in willem(me) van wilre en(de)/
ja(n)ne van borne op alsoe dat de voirs(creven) wille(m) en(de) jan beyde der voirs(creven) p(ar)tien reden/
en(de) bescheit aengehoirt hoir seggen d(aer) af segge(n) en(de) uutene(n) selen tusschen dit en(de)/
s(int) jans dach bap(tis)[te(n)] naest comen(de) Ende hebbe(n) geloeft beyde de voirs(creven) p(ar)tien vast en(de)/
gestedich te houde(n) wes de voirs(creven) willem van wilre [ende jan] daer af segge(n) en(de) t(er)mine(re)n/
selen op ene(n) banduyn van v vrancr(ijx) cronen m(ijn) gened(igen) he(re) van brab(ant) te/
betalen ca(pelle)[man] wante m(ar)cii xxix
Contributorsmyriam bols
Moderated bymyriam bols
Last update: 2016-02-23 by xavier delacourt