Van henricken ghielijs natuerlic/ soen h(ere)n gielijs wilen ghielijs/ Tvo(n)nisse tusschen henricken ghielijs naturelic soen h(ere)n gielijs wilen/ ghielijs p(er)soen van middelwynde die ov(er)michs vo(n)nisse van scepen(en)/ brieve(n) van loven(e) comen en(de) beleidt es met meye(r) en(de) scepen(en) va(n) loven(e)/ tot den goeden des voirs(creven) wilen h(ere)n gielijs sijns vaders in deen side en(de)/ librechte ghielijs sine(n) neve in dande(re) alse vanden derdendeele van eenre/ woeni(n)gen metten huysen hoven wijng(ar)den en(de) sine(n) toebehoirten gelege(n)/ te nederwynde tusschen de goede anthonijs van adorp en(de) de goede/ henrix raspe Item vand(er) helcht van ene(n) beemde met sijnre toebe/ hoirten gelijc dat hi belegen es acht(er) de voirs(creven) woni(n)ge neve(n) de/ goede henrix raspe voirs(creven) daer aen dat de voirg(enoemde) lybrecht mey(n)de/ dat de voirs(creven) henric ghielijs hem met sine(n) voirs(creven) beleyde ongebruyck/ dede Was uut gedragen met desen worden nae aensprake en(de)/ nae andw(er)de datmen den voirs(creven) henricken ghielijs vande(n) voirs(creven)/ goeden houden soude in sine(n) beleide en(de) wa(n)t de voirs(creven) librecht e(n)nig(er)/ makyngen oft testame(n)te ruerde die lieten sij gaen daer sij sculdich/ wa(r)en te gaen P(rese)ntib(us) borchove(n) oppendorp nethen(en) calstr(is) capelle/ leman vynck wante maii viii