Item wout(er) vande(n) velde van cortelke es comen in jeg(enwordicheit) der scepen(en) van loven(e)/ en(de) heeft geloeft voir hem sijn erfgename(n) en(de) naecomelinge(n) willem(me) van ophem/ becke(r) sine(n) erfgenamen en(de) naecomelinge(n) alse van hoerre beyd(er) woenynge(n) bi een/ gheleg(en) te dutshele inde prochie van cortelke voirs(creven) tusschen de goede wout(er)s/ waerseg(er)s in deen side en(de) lijsbetten blancarts in dande(re) dat de selve wout(er) op/ sijn erve ten goede(n) wert des voirs(creven) willems buten den pale aldaer staende/ negheen[rehande] stucken noch heymynge(n) maken setten noch ty(m)me(re)n en sal dien den voirs(creven)/ willem aen de uutvaert van sijnre woeny(n)gen ter straten wert hynd(er) letsel of/ co(m)mer dragen sele(n) mogen in enig(er) manie(re)n Ende heeft geloeft de voirs(creven) woute(r)/ den voirs(creven) willem(me) gelijc hem dat bide(n) scepen(en) van loven(e) aengewijst es tedoen/ vande(n) voirs(creven) stucken alt(oes) genoech te doen alsoe dat den selve(n) willem(me) en(de)/ sine(n) naecomelingen erflic vast en(de) seker sijn sal borch(oven) calstr(is) jul(ii) xv