Item jan van warnant jan sijn sone inden naem van hen en(de) van jaq(ue)mart/ van warnant oec soen jans des vad(er) voirs(creven) dien sij hier inne geloeft/ hebben te vervaene in deen side janne van harlues inden naem van hem/ en(de) van janne van harlues sinen sone dien hi hier inne geloeft heeft te/ vervaene janne van huy en(de) gielijs sijne(n) sone in dande(re) van alsulker/ twydracht geschille van worden en(de) o(n)my(n)nen als sij deen tot den/ ande(er)n w(er)t gehadt moigen hebben tot den dage van heden Sijn/ come(n) in jegeword(icheit) der scepen(en) van loven(e) en(de) hebben hen d(aer) af gekeert/ en(de) sijn des bleve(n) in raese van grave(n) he(re) van malevie(n) meye(r) van loven(e)/ in alsulker vuege(n) dat de voirscr(even) p(ar)tyen hoe(r) redene en(de) alle hoe(r) bescheit/ den voirs(creven) raese bibrenge(n) selen ende dat aengehoert sal hi sijn segge(n)/ daer af p(ro)nu(n)cie(re)n en(de) uutene(n) tusschen dit en(de) beloken paesschen neest/ komen(de) Ende hebben geloeft beyde de voirs(creven) p(ar)tyen vaste en(de) gestedich/ te houden en(de) te voldoen soe wes biden voirs(creven) raese vande(n) voirs(creven) saken/ geseeght en(de) gep(ro)nu(n)cieert sal w(er)den behoudelic dien of de selve/ p(ar)tyen deen der ande(re) van erflich(eiden) yet aen te spreke(n) hebben dat/ sij dat doen moige(n) mette(n) lantrechte nethene(n) calstr(is) julii xix