Item alse vander goedinge(n) en(de) seventhien hondert vrancr(ijks) swaer/ crone(n) voirscr(even) sijn gemaect en(de) ov(er)drage(n) tusschen janne van till(e)r/ ende joffr(ouwe) annen van zudoert voirs(creven) alsulken vorwarden en(de) (con)dicien
//
als hier nae bescreven staen Inden yersten wart alsoe dat jan van/ till(e)r tvoirs(creven) yerste paeyme(n)t van viii[c] en(de) l crone(n) niet en betaelde ten/ voirs(creven) dage soe es vorwarde dat de [voires(creven)] joffr(ouwe) anne de voirs(creven) goede met/ hoe(r) voirs(creven) goedinge(n) van scepen(en) brieve(n) aenveerde(n) houde(n) en(de) besitte(n) sal/ sond(er) yemants wedersegge(n) als hoe(r) wittich erflicheit sond(er) hem e(n)nige/ rekeni(n)ge of bewijss dair af te doen in e(n)nig(er)wijs Ende wart also dat/ de voirs(creven) jan d(er) voirs(creven) joffr(ouwe) anne(n) de voirs(creven) viii[c] en(de) l crone(n) betaelde ten/ voirs(creven) dage dat de selve jan inde voirs(creven) goede sal blive(n) sittende ongehind(er)t/ vand(er) joffr(ouwe) voirs(creven) tot den dage vanden ande(re)n paeyme(n)te voirs(creven) Ende/ oft soe wa(r)e dat hij tvoirs(creven) yerste paeyment betaelde en(de) dleste paeyme(n)t/ niet en betaelde soe es vorwarde dat sij staphans den voirs(creven) leste(n)/ dach ov(er)leden de voirs(creven) goede met hoe(r) voirs(creven) goedinge(n) van scepen(en)brieve(n)/ aenveerde(n) houde(n) en(de) besitte(n) sal als hoe(r) wittich erflicheit tot derre/ tijt toe dat de voirs(creven) jan in sijns selfs p(er)sone op dat hij levende wa(r)e/ hoe(r) tot ene(n) male en(de) ten bloete(n) tide de voirs(creven) so(m)men alsoe verre/ als hij dair af in gebreke wa(r)e wittelic betaelt en(de) vergoude(n) sal hebbe(n)/ sond(er) hem oft yemande and(er)s e(n)nige rekeni(n)ge of bewijs te doen van/ dien des sij oft yemant inde(n) name van hoir vande(n) voirs(creven) goede(n) gehave(n)/ mocht hebben/ Wart oec alsoe dat de voirs(creven) jan van tillr(ode) tvoirs(creven) yerste paeyme(n)t van/ viii[c] en(de) l crone(n) betaelt hadde en(de) dan bynne(n) den naeste(n) ja(r)e eer/ tvoirs(creven) leste paeyment verschene van live ter doet quame soe es/ vorwarde dat dan de voirs(creven) joffr(ouwe) anne de voirs(creven) goede t(er) stont als jan/ aflivich wa(r)e worde(n) met hoe(r) voirs(creven) goedinge(n) van scepen(en) brieve(n) aen/ veerde(n) soude en(de) die houde(n) en(de) besitten als hoe(r) erflicheit het en wa(r)e/ dat e(n)nich vande(n) erfgename(n) des voirs(creven) jans die goede quite(n) en(de) losse(n)/ woude tusscen dien tijt dat hij aflivich worde en(de) ons(er) liev(er) vrouwe(n)/ dach liechtmisse dan naistcomende dat sij dat soude(n) moege(n) doen/ met seventhienhondert gulden(en) swaer vrancr(ijks) crone(n) voirs(creven) Vande(n)/ welken xvii[c] crone(n) joffr(ouwe) johanne natuerlic docht(er) des voirs(creven) jans/ deen helcht en(de) de selve joffr(ouwe) anne dand(er) helcht hebbe(n) souden/ mer oft de voirs(creven) quitinge vande(n) vriende(n) des voirs(creven) jans by(n)ne(n) den/ voirs(creven) tide niet en gesciede soe es vorwarde dat de voirs(creven) joffr(ouwe)/ anne de voirs(creven) goede houde(n) en(de) besitte(n) sal hoe(r) leefdage langc op also/ dat sij nae hoir doet erflic blive(n) selen d(aer) voirs(crevne) joffr(ouwe) joha(n)nen des
//
voirs(creven) jans natuerlic docht(er) en(de) hoe(re)n nacomelinge(n) Behoudelic dien/ oft de selve joffr(ouwe) joha(n)ne van live t(er) doet quame sond(er) wittige geboerte/ van hoir achter te laete(n) dat dan de voirs(creven) goede en(de) heerlicheit van/ opp(re)bais blive(n) selen op de naeste erfgename(n) d(er) voirs(creven) joffr(ouwe) anne van zudoert/ die dan sijn selen Bij also dat de erfgename(n) des voirs(creven) jans van tillr(ode)/ de voirs(creven) goede quite(n) selen moege(n) wa(n)neer sij willen met seve(n)thienhond(er)t/ swaer vrancr(ijks) crone(n) tot ene(n) male der erfgename(n) der voirs(creven) joffr(ouwe)/ annen te betalen cor(am) joh(ann)e de borchove(n) et baldewino de gravio/ scabinis lovanien(sibus) julii xi anno xiiii[c] tricesimo