Cont sij allen lieden dat jacop leesens es come(n) in jegeword(icheit) der scepen(en) van/ loven ende heeft genome(n) en bekent dat hi genome(n) heeft van [den mo(m)boren meest(er)sse(n) en(de) convente] vrouwe lijsbette(n)/

lambrechts vrouwe des godshuys vand(er) banck bij loven(e) en(de) den gemeyne(n) co(n)vente/

des selfs godshuys tof des voirs(creven) godshuys gelegen bynne(n) den selve(n) godshuyse/ met huysen hoven wynnen(de) lande beemde(n) eeusselen en(de) allen en(de) yegewelken/ sinen toebehoirte(n) gelikerwijs en(de) alsoe jan wasschairt dat gehoude(n) heeft/ Te houde(n) te hebben en(de) te wynne(n) van halfmerte neestkomen(de) ene(n) t(er)mijn/ van xii ja(r)en lang deen na dander staphans sond(er) e(n)nich middel volgen(de)/ te weten de voirs(creven) wynnen(de) lande elx jaers dae(re)n bynne(n) om c mudde corens/ en(de) x mudde g(er)sten elx corens goet en payabel met wa(n)ne en met veede(re)n/ wel bereidt der maten van [lov(en)] alle jaer te sente andries misse apostels/ te betalen en te loven(e) in des voirs(creven) godshuys h(er)berge ald(aer) te leve(re)n alle jaer/ den voirs(creven) t(er)mijn due(re)nde en(de) telken t(er)mine als vervolghde schout Ende de/ voirs(creven) beemde tot den voirscr(even) hove behoe(re)nde sal de jairl voirs(creven) wynne jairlix/ hebben ind(er) werden en(de) om den prijs hier na volgen(de) dats te wete(n) den/ graetbeempt o(m)me xviii hollan(sche) gulden(en) en(de) den de iii(½) iii(½) boend(er) beemde/ gelegen int gemeyn broeck om iiii mottoene ende den beemt te rixfonde(r)/ o(m)me vi mottoene te sente m(er)tens misse inde(n) wynt(er) te betalen jairlix den/ voirs(creven) t(er)mijn due(re)nde en(de) telken t(er)mine als vervolghde schout Ende vanden/ eusselen gelege(n) bij gelden [geldolf] rox es gevorw(er)t dat de voirg(enoemde) wynne d(aer) af jairlix/ gheen gelt gheve(n) [en] sal mar dat hi m(ijn) vrouwen daer voe(r) alle jaer/ den voirs(creven) t(er)mijn due(re)nde zome(re)n sal iiii melc coeye gelijc den sine(n) ende/ die halen en(de) driven alst behoert Item sal de voirs(creven) wynne jairlix gheve(n)/ en(de) betale(n) m(ijn) vrouwe voirs(creven) vi l(i)b(ra) payments vande(n) putte int voirs(creven) godshuys/ staende en(de) d(aer) voe(r) sal hi den selve(n) putte orbe(re)n en(de) sij(n) gherief d(aer) af neme(n)/ Item voert es vorw(er)de dat de wynne m(ijn) vrouwe voirs(creven) jairlix sal doen herden/ en(de) hueden vi verkene alsoe [dat] den godshuyse d(aer) af van scate of ande(r) gheen/ scade en come Item sal de voirs(creven) wynne leve(re)n alle jaer c mandele(n) goeder/ custberre walme(re) [om] de huysinge vande(n) voirs(creven) hove mede te decke(n) ende alsmen die/ ald(aer) verdect of anders aen [de] huysinge die de wynne houden(de) es yet maect of/ van plecke(n) of decken soe sal de wynne den wercliede(n) den b montkost gheven/ en(de) m(ijn) vrouwe sal de dachhue(re)n betalen uutgesceide(n) van nuwe(n) werke daer inne
//
en sal de wynne niet gehoude(n) sijn Item sal de wynne de voirs(creven) beemde ende/ eeussele jairlix wel en(de) loflic graven en(de) ryoelen en(de) die ten eynde vanden/ voirs(creven) t(er)mijn wel en loflic gegrave(n) en(de) gheryoelt laten [gelijc dat hise vynt] Item sal oec de/ voirg(enoemde) wynne alle jaer setten opte voirs(creven) goede c po goeder custberre/ poten ten meesten orbe(r) en(de) p(ro)fite des voirs(creven) godshuys Voert es vorwerde/ dat de voirs(creven) wynne jairlix mach doen steken op des voirs(creven) godshuys/ moer een last torve tot sijnre b(er)ryngen behoef ende d(aer) voe sal hi/ den voirs go co(n)vente jairlix een laste torve met sine(n) wagen en(de)/ p(er)den opt voirs(creven) moer halen en(de) [bringen] int voirs(creven) godshuys brenge(n) op sine(n)/ cost Item sal de selve wynne jairlix gheve(n) te paesschen gheven/ den voirs(creven) co(n)vente een vet lam Item en sal de voirs(creven) wynne bynne(n)/ den voirs(creven) t(er)mine gheen la and(er) lant moige(n) wynne(n) noch verpachten/ dan des voirs(creven) godshuys lant ten wa(r)e met consente en(de) orlove van/ m(ijn) vrouwe voirs(creven) Item sal de voirs(creven) wynne alle jaerlix alle stroe/ en voesterynge(n) vande(n) voirs(creven) goede(n) comende vueren int voirs(creven) hoff/ en dat ald(aer) etten en(de) slite(n) met sine(n) beesten en(de) te meste maken/ en dan dmest ten behoirlike(n) tide wed(er) uutvueren opt voirs(creven) lant/ slants meeste(n) p(ro)fite Item voirt es vorw(er)de en(de) ondersproke(n) dat de/ wynne ten leste jae(r) vande(n) voirg(eruerde) t(er)mine besaeyen sal iii dachmael/ lants met raepsade [raeght(er) zade] d(aer) af dat m(ijn) vrouwe sal moge(n) doen halen/ alsoe veel rapen alsme(n) int voirs(creven) godshuys orbe(re)n sal [en(de) behoeve(n)] sond(er) wed(er)/ segge(n) van yemande Item [Ende op alsoe] heeft geloeft de voirs(creven) m(ijn) vrouwe/den [dat de] voirg(enoemde) wyn jairlix te gheve(n) [hebben sal] v ellen will wullens lakens/ tot ene(n) rocke Voertmeer es vorw(er)de en(de) ond(er)sproke(n) dat de voirs(creven)/ wynne de voirscr(even) lande den voirs(creven) t(er)mijn lang due(re)nde wynne(n) en(de) w(er)ven/ sal wel en loflic gelijc sijn reengenoete(n) bove(n) en(de) benede(n) en(de) die late(n)/ ten eynde van sine(n) voirs(creven) t(er)mine gelijc dat hise vynt te sine(n) aencome(n)/ dats te wete(n) xix boend(er) d(aer) af met rogge besaeyt op sijn getidege/ voren Item xviii boend(er) en(de) een dach(mael) storte(n) eens om gedaen ende/ xix(½) boend(er) brake(n) geheel ende hi en sal ten lesten jaer gheen/ lant moige(n) heer hoervruchte(n) Item voert heeft geloeft de voirs(creven) wy(n)ne/ opt leste jaer vande(n) voirs(creven) t(er)mine vii boend(er) brake(n) wel en loflic te ov(er)mesten
//
en(de) opt selve leste jaer alle dmest int voirs(creven) hof wesen(de) voer kerssavont/ uuten hove te vueren en(de) te doen opt voirs(creven) lant slants me orbe(r) en(de) p(ro)fite/Ende heeft geloeft de voirs(creven) m(ijn) vrouwe den voirs(creven) wynne [Op alsoe] w(er)t alsoe dat de voirg(enoemde)/hi [wynne] bynne(n) den voirs(creven) t(er)mine opte voirscr(even) goede e(n)nige scade hadde of lede/ van tempeesten oft gemeyne(n) orloge dat sij [tvoirs(creven) godshuys] hem d(aer) af rastoer doen/ sal gelijc ander he(re)n hoe(re)n en(de) p(re)laten hoe(re)n pechtene(re)n bove(n) en(de) benede(n)/ doen selen Voert es ghevorw(er)t en(de) ond(er)sproken w(er)t alsoe dat m(ijn)/ vrouwen of den wynne voirs(creven) geliefde te halven tide van malcande(re)n/ te sceiden dat sij dat doen selen moige(n) op alsoe dat de ghene van/ hen die alsoe sceide wilt dat den ande(re)n een half jaen jaer te/ voren segge(n) en(de) condegen sal op dat hi na sijn p(ro)fijt sien moige/Ende hebben geloeft Item noch es gevorw(er)t dat de wynne hebben/ sal alle den loke [en(de) hout] comende vande(n) willige(n) opte voirs(creven) goede staende/ uutgesceiden vande(n) willege(n) staende opte(n) graetbeempt d(aer) inne en/ sal hi gheen recht hebben noch behoude(n) Ende alle dese voirs(creven)/ vorw(er)den hebben [heeft geloeft] geloeft de voirs(creven) m(ijn) vrouwe in deen side en(de) de/wynne in dande(re) malcande(re)n (et)c(etera) [de vorscr(even) [wynne] den vors(creven) mombo(re)n en(de) meest(er)ssen te houde(n) en(de) te voldoen tallen tide] borch(oven) wante oct(obris) xix