Van h(ere)nvrancken ghielijs priest(er)/ en(de) willem(me) van baussele/ Het sijn comen in rechte voer meyer ende scepene(n) van loven(e) gord van hoebroec ja(n)nes/ ende gielijs geheten scoex gebruede(re) kynde(re) wouters wilen coex de welke gord omtrent/ xx jaer voerleden overmids vo(n)nisse van scepen(n) brieven van loven(e) beleidt was tot den/ goeden des selfs gords coex biden meye(r) vander gheeten ende den scepen(en) van landen/ in deen side h(ere)nvrancke(n) ghielijs p(er)soen vanden beghinen te thiene(n) ende willem(me) van/ baussele die ov(er)mids vo(n)nisse van scepen(en) brieve(n) van loven(e) met meye(r) ende scepen(en)/ van loven(e) beleidt sijn op den xi[sten] dach der maent van octobr(is) lestleden tot den/ goeden marien die naewijf was des voirs(creven) wilen wout(er)s coex metter selver marien/ in dande(re) daer de selve h(er)vrancke willem en marie een aensprake deden ten voirscr(even)/ gorde w(er)t van hoebroeck ende ten voirs(creven) gebruede(re)n w(er)t Seggende dat t(er)tijt dat de/ voirs(creven) wilen wout(er) scoex aflivich was werden de voirs(creven) gord van hoebroeck ende/ met hem de voirg(enoemde) jannes scoex quame(n) int huys daer de voirs(creven) woute(r) aflivich/ worden was seggende de voirs(creven) gord met guerliken worden tot der voirs(creven) marien/ lieve zust(er) ghi hebt wel goets raeds te doen(e) wes ic u doen mach dat wille ic/ g(er)ne doen ende ghi hebt brieve onder van henrix m(ijns) swag(er)s wegen d(aer) ic hem mede/ behelpen soude ende hi heves nu te doen(e) die soudic u g(er)ne bidden dat ghi mi/ gheven woudt De voirs(creven) marie antwerdde sij woudt g(er)ne doen ende dede hem op/ de scrijne daer hi inne ghinc ende de voirs(creven) jannes die clerc es overlas alrehande brieve/ die daer inne wae(re)n daer hi onder dande(re) vant den voirs(creven) beleidbrief daer mede dat/ de voirs(creven) gord gelijc voirscr(even) steet beleidt was tot den goeden des voirs(creven) wilen wout(er)s/ en den scoutbrief daer af daer mede dat hi den voirs(creven) h(ere)nvrancke(n) willem(me) ende/ marien ongebruyck dede vanden voirs(creven) goede beyde have en(de) erve Ende dat de voirs(creven)/ gord en(de) jannes mett(er) voirs(creben) subtijlheit de voirs(creven) beleidbrief en(de) scoutbrief met/ hen droegen Ende dat dit aldus geschiede des gedroech haer de voirs(creven) ma(r)ie/ tot den voirs(creven) gord en(de) jannes en(de) tot hoerre eed of de voirs(creven) marie woudt selve/ houde hoepten en(de) meyndden soe waer sij daer voer gheene(n) eed doen en wouden/ dat gord en(de) jannes de voirs(creven) brieve wederbrenge(n) souden daer sise gehaelt hadde(n)/ int behelt vander voirs(creven) marien seiden oec voer al dat een onredelic ende/ o(n)mogelic stuck wa(r)e datme(n) yeman(de) alsoe sijn brieve onthalen soude als hi in/ alsulken druck wa(r)e als de voirs(creven) marie doen was Ende al w(er)t alsoe dat gord/ of de gebruede(re) voirs(creven) seggen wouden dat sij in hoe(r) scrijne laghen die den/ kynde(re)n toebehoirde als vliegende erve soe hadde sij noch te dier tijt den slotel/ daer af en(de) hoe(r) ande(re) have inde voirs(creven) scrijne liggen(de) alsoe wael alse de voirs(creven)/ brieve die oec have wa(r)en Op dwelke de voirs(creven) gord [ja(n)nes ende gielijs] hen verantwerdden
//
ende seyden dat sij ten huys quame(n) alsoe voirscr(even) steet mar de voirs(creven) marie/ gaf hen de voirscr(even) brieve hoepten en meyndden na onss gened(ichs) he(re)n hoege/ heerlicheit van brabant en(de) nae sijnre stat recht van loven(e) dat gorde sijn/ brieve blive(n) souden en(de) versochten datme(n)ten hielde in sine(n) beleide ende/ dat mense hem met alsulken worden niet afwynne(n) en soude en(de) beg(er)den/ aenden meyer dat hi des marien woirde de he(re)n de scepen(en) Op dwelke de/ voirscr(even) marie h(er)vranck en willem repliceerden al mocht sise hen gegeven/ hebben soe en seide hi haer van schoutbrieve noch van beleidbrieve ende/ niet anders dan van henrix sijns swagers brieven Alsoe dat de meyer/ van loven(e) maendde de scepen(en) van loven(e) wes recht sijn soude de welke/ scepen(en) daer op gemaent wijsden voer een vo(n)nisse dat sij van beyde den voirs(creven)/ p(ar)tyen de brieve beg(er)den te henw(er)t en(de) in hoerre clerc hande te hebben/ beyde schoutbrief en(de) beleidbrief en(de) dat elke van hen vanden voirs(creven) goede(n)/ hebbe des hij nae den lantrechte sculdich soude sijn te hebben p(rese)ntib(us) joh(ann)e/ de borchoven joh(ann)e de oppendorp filio quond(am) walte(r)i joh(ann)e de nethen(en) henrico/ de calstr(is) walt(er)o ca(pelle)[ma(n)] arnoldo vynck et hen(ri)[co] wante scab(inis) lovan(iensibus) anno/ xxiiii no(vem)[br(is)] xvi