It(em) jan bars goutsmit mychiel vande(n) bossche en(de) vrancke van bollenboene/ sijn comen in jeg(ewordicheit) der scepen(en) van loven(e) ende hebben genomen en(de) bekent dat sij/ ghenomen hebben vanden he(re)n deken en cap(it)le der kerken van sente peters te loven(e)/ de wijnthiende der selv(er) cap(it)len van aende butenborchporte alle ten steenwech/ ned(er) tot wiltsel toe op tcleyn brugsken aldaer en(de) van daer ned(er)wert tot wiltsel/ aende brugge opde dile en(de) alsoe wed(er)o(m)me comende tot aen de veste van loven(e)/ Te houden en(de) te hebben van op den dach van heden tot sente m(er)tens misse toe/ naest comen(de) o(m)me lxi amen lovens wijns goet en(de) payabel alsulx als/ vand(er) selv(er) thiende(n) comen sal tusschen dit en(de) s(int) denijs dach naest comen(de)/ te betalen en te loven(e) inde ridd(er)strate ind(er) voirs(creven) he(re)n vate aldaer te leve(re)n/ als vervolghde schout borch(oven) oppend(orp) sept(embris) xvi