It(em) henr(ic) de bevekem de vynckenbosch es comen in jeg(ewordicheit) der scepen(en) van loven(e) en(de)/ heeft gheg(even) en(de) bekent dat hi gheg(even) heeft woute(re)n lyemync den jongen sone/ wout(er)s lyemync van lovengoel de goede hier nae bescr(reven) gelegen inde p(ro)chie/ van bierbeke ter stat gehete(n) de bremt te weten is ene(n) bogart geleg(en) aldaer/ tusschen de goede des voirs(creven) wout(er)s en(de) de goede vranx seg(er)s It(em) een [dachmael] beemdeken/ gelege(n) daer bi op de zoe ter naest den goede(n) wout(er)s van wet(er)beke Te houde(n)/ en(de) te hebbe(n) van halfm(er)te lestlede(n) ene(n) t(er)mijn van vi ja(r)en lang deen nae/ dand(er) sond(er) middel volgende elx jaers dae(re)nby(n)nen o(m)me twelf molevate rogs/ pachts van lovengoel goet en(de) payabel der maten van loven(e) te s(int) andries/ misse apostels te betalen en(de) te loven(e) ter woeni(n)ge(n) des voirs(creven) henrix van beveke(m)/ te leve(re)n jaerlix den voirs(creven) t(er)mijn due(re)nde en(de) telken t(er)mine als vervolghde schout/ Ende is vorwerde dat de voirs(creven) wout(er) lyemync jaerlix hie(re)nby(n)ne(n) [oec] betalen sal/ den tsijs uut den voirs(creven) bog(ar)de gaende en(de) henric van beveken sal selve betalen/ den co(m)m(er) en(de) tsijs uut den voirs(creven) dachmael beemts gaende cor(am) eisde(m)