It(em) wout(er) de houwe(re) es come(n) in jeg(ewordicheit) der scepen(en) van lovene/ en(de) heeft genome(n) (et)c(etera) van m(ijn) he(re) den proefst des va goedshuys vand(en)/ p(er)ke inde(n) naem en(de) van wegen des selfs godshuys de lande des/ voirs(creven) godshuys gelege(n) opte loe aen beyde(n) side(n) vande(n) thienschen/ wege gelijc wout(er) die selve lande voertijts gehoude(n) heeft Te/ houde(n) te hebbe(n) en(de) te wynne(n) van halfm(er)te neestkomen(de) ene(n) t(er)mijn/ van drie ja(r)en lang deen nae dand(er) d(aer) na staphans volgen(de) elx/ jaers dae(re)nbynne(n) o(m)me xlviii mudde rox [loven(schs) pachts] goet en(de) payabel der mate(n)/ van loven(e) te s(int) andries misse te bet(alen) en(de) te p(er)ke te leve(re)n alle ja(r)e/ den voirs(creven) t(er)mijn du(r)ende en(de) telke(n) t(er)mine als vervolghde schout Ende/ es vorw(er)de dat de voirg(enoemde) woute(r) de t alle jaer den vors(creven) t(er)mijn dur(ende)/ twee boend(er) vanden voirs(creven) lande wel en(de) loflic ov(er)mesten sal en(de)/ alst gemest es m(ijn) he(re) dat condige(n) te dien eynde dat hijt mach/ doen visente(re)n oft loflic b ov(er)mest es Oec en sal de voirscr(even)/ wout(er) de voirs(creven) lande bynne(n) den voirs(creven) drie ja(r)en niet moighen/ hoervruchte(n) Voert heeft de selve woute(r) geloeft dat hi ten/ lesten ja(r)e vande(n) voirs(creven) drie ja(r)en iii boend(er) vande(n) voirs(creven) lande/ wel en(de) loflic bezaeyt sal late(n) [op sijn getidege voe(re)n] met wynt(er)coerne op alsoe dat/ m(ijn) he(re) den saet d(aer) toe [tot v dachmale(n) d(aer)af] leve(re)n sal en(de) den saye(r) setten ende/ dande(re) lande sal de selve woute(r) laten al geheel cor(am) eisd(em)