Van claese den smet/ Tvo(n)nisse tusschen claes den smet in deen side ende arnde neve/ janne den becke(re) in dande(re) was uutgedragen en(de) gewijst met/ desen worden na aensprake na antwerde en(de) nae thoenisse (et)c(etera)/ dat den voirg(enoemde) claes thout volgen sal na inhouden vanden/ scepen(en) brieve van meldert behoudelic dien hebben arnt ende/ jan voirs(creven) den voirg(enoemde) claes van e(n)nige(n) geloeften oft gelde yet/ aen te spreken dat sij dat doen moigen metten rechte P(rese)ntib(us)/ borch(oven) opp(endorp) calstr(is) wante oct(obris) s(ecunda) a(n)no xxiiii