Van henricke(n) ghielijs natuerlic soen/ h(ere)ngielijs wilen ghielijs p(er)soens van/ myddelwynde/ Tvo(n)nisse tusschen henricken ghielijs natuerlic soen h(ere)ngielijs wilen ghielijs p(er)soens/ van myddelwynde die ov(er)mids vo(n)nisse van scepen(en) brieven van loven(e) comen ende/ beleidt es met meye(r) en(de) scepen(en) van loven(e) tot den goeden des voirs(creven) wilen h(ere)n/ gielijs sijns vaders in deen side ende henricken witten henricken putman/ lambrechte sgoeden bellen witten pauwels janne en(de) gheerde sroeden gebruede(re)/ in dande(re) alse van iii zillen lants gelegen te nederwynde in twee stucken/ en(de) vand(er) helcht van ene(n) vyschwate(r) gelegen bij errenb(er)ge daer aen dat de/ voirg(enoemde) p(er)sone meyndden dat de voirs(creven) henric ghielijs hen met sinen voirs(creven)/ beleide ongebruyck dede Was uutgedragen met desen worden na aensprake/ en(de) na antwerde datme(n) den voirs(creven) henricken ghielijs vanden voirs(creven) goeden/ houden soude in sinen beleide en(de) hadden de voirs(creven) p(er)sone van e(n)nig(er) makynge(n) of/[testamente] yet aen te spreken dat sij die volghden daer sise sculdich wa(r)en te volgen/ P(rese)ntib(us) joh(ann)e de borchove(n) joh(ann)e de oppendorp filio q(uon)dam walt(er)i henr(ico) de calstr(is)/ waltero ca(pelle)[ma(n)] arnoldo vynck et henrico wante dec(embris) xii anno xxiiii