It(em) reynberch meynarts docht(er) van coelne es comen voir scepen(en) van loven(e)/ en(de) heeft mechtich gemaect en(de) volcomen macht gheg(even) ja(n)ne vande(n) veken(en)/ voirspreke te eysschen en(de) te vervolgen inde(n) rechte en(de) daerbuyten alsulken/ vo(n)nisse als hae(r) biden he(re)n scepen(en) van loven(e) aengewijst is viii op woute(re)n/ den ruyssche den jongen en(de) alle saken van rechte daer af te vervolghen te doen/ en(de) te vorde(re)n hoedanich en(de) in wat manie(re)n dat dat sij die de voirs(creven) reynberch/ selve doen soude mogen of sij in p(ro)pren p(er)sone jegewordich wa(r)e Ende heeft/ geloeft vast en(de) gestedich te houde(n) wes bide(n) voirs(creven) ja(n)ne inde(n) saken voirg(eruert) gedaen/ sal werden ca(pelle)[man] wante sabbato post q(ua)si mo(do)