Item want willem vander basdonck in deen side en(de) mathijs de witte als/ momboer katlinen vande(n) panhuyse sijns wyfs in dande(re) voe(r) scepen(en)/ van loven(e) geloeft hebben en(de) hen verbonden vaste en(de) gestedich te houde(n)/ alsulken deylinge en(de) sceydinge als der stat gesworen meeste(re)n te wete(n)/ meest(er) jan paen meest(er) jan vand(er) bruggen en(de) meest(er) plissis van vorst/ maken souden vanden goede(n) hier nae bescreve(n) Te wete(n) van ene(n) huyse/ met sijnre toebehoerte(n) gelege(n) ov(er) de scepbrugge neve(n) tusschen/ de dyle ald(aer) en(de) thuys ghehete(n) noetscale Ende van ene(n) vierdel/ wijngarts gelege(n) opte(n) roesselberch tusschen de goede gords h(ere)nmeys/ en(de) henrix de leeu Soe sijn de voirs(creven) meesters opte voirs(creven) goede/ gegaen die ernstelic ov(er)siende en(de) visente(re)nde ende hebben die in/ twee gedeelten gedeylt en(de) gescheide(n) gelijc en(de) ind(er) manie(re)n dat/ hier [na] volght en(de) bescreve(n) steet Te wete(n) tvors(creven) huys recht ov(er)mids/ in tween deelen van voe(r) tot acht(er) en(de) van ond(er) tot bove(n) gelikerwijs/ dat dat ald(aer) bove(n) en(de) benede(n) met zeke(re)n teekene(n) beteekent es/ Op also dat tgedeelte aende dyle gelege(n) gelden en(de) betalen sal [allen] den/ chyns uuten geheelen huyse gaende te wete(n) ene(n) rijnschen gulden(en)/ erfchijns en(de) xv d(enieren) goets gelts mar vondemen namaels datter/ meer chijns uutginghe dan den rijnschen gulden(en) en(de) xv d(enieren)/ voirs(creven) dien chijns souden beide de geldeelte te gelike half en(de)/ half te gelike drage(n) en(de) betalen Met vorw(er)den dat beide/ de p(ar)tyen op hoe(r) beider cost h te h te gelike hen van ond(er) tot/ boven onderslaen en(de) bevreden selen met wanden oft anders also/ hen dat genuege(n) sal op de manie(re) dat ald(aer) beteekent es Ende/ elc gedeelte voirs(creven) sal hebben en(de) behoude(n) alle doren en(de) vynste(re)n/ op sijn side hangende en(de) desgelijx al dat nagel vaste es Dese/ deylinge aldus gemaect sijnde [behoudelic alt(oes) den vo(n)nisse bide(n) he(re)n scepen(en) van lov(en) tussche(n) de voirs(creven) p(ar)tien vande(n) voirs(creven) goede(n) gewijst]hebbe(n) de voirs(creven) p(ar)tien de voirs(creven) goede geloet Ende is Soe/ es gevallen den voirs(creven) willem(me) [metten lote] in sijn deylinge deen helcht vande(n) voirs(creven) huyse te wete(n)/ die helcht die gelege(n) is ter dilen wert aen de brugge ald(aer) en(de) deen helcht vande(n) voirs(creven)/ wijng(ar)de te wete(n) die helcht die gelege(n) is naest den goede(n) gords h(ere)nmeys Ende is/ gevalle(n) [metten lote] den voirs(creven) mathise den witte in sijn deylinge dand(er) helcht vande(n) voirs(creven) huyse/ gelege(n) naest der noetscalen en(de) dand(er) helcht vande(n) wijng(ar)de naest henr(ic) leeus/renu(n)c(iantes) kat(herinam) vande(n) panhuyse p(ro)sta(r)e quelibet ip(s)or(um) adv(er)sus port(i)o(n)em alte(r)ius mo(do) de(bi)[to] renu(n)cian(s) Promitt(ens)/ d(i)c(t)us mathias kat(herinam) vande(n) panhuyse eius uxore(m) p(ro)sta(r)e q(uod) inf(ra) hinc et remigii p(ro)x(imu)m/ d(i)c(t)am p(ar)t(em) rata(m) obs(er)va(r)e p(ro)mittet cor(am) py(n)noc ouder(ogghe) julii xxiii