SAL7321, Akte: R°11.2-V°11.1 (111 van 1235)
Akte R°11.2-V°11.1
Act
Datum: 1426-07-03
Taal: Nederlands
Transcriptie
2014-03-14 door Pierre TaverniersCond sij allen lieden dat arnt peters is comen in jeg(enwoirdicheit) etc(etera) en(de) heeft genome(n)/en(de) bekent dat hi genome(n) heeft van joff(rouwe) g(er)trude(n) weduwe henrix wilen vand(er) elst/thof der selver joff(rouwe) g(er)trude(n) gelegen te meensele mette(n) huysen hoven wynnen(de)/lande beemden eeuselen en(de) allen en(de) yegewelke(n) sine(n) toebehoirte(n) gelijc ende / in all wouter thijs de selve goede aldaer te houde(n) plach Te houde(n) te/hebben en(de) te wynne(n) van halfm(er)te lestleden ene(n) t(er)mijn van vi jae(re)n lang/deen
na dand(er) sonder middel volgen(de) elx jaers dae(re)n bynne(n) [te
wete(n) de voirs(creven) wynnen(de) lande] op de helcht/van allen den coren en(de) vruchten die jaerlix opte selve goede [d(aer) op] wassen(de)/en(de) de voirs(creven) beemde en(de) eeussele vande(n) voirs(creven) hove om xvi arnhem(sche) gul(den)/van goude goet en(de) gheve te sente m(er)tens misse inden wynt(er) te betale(n)/alle jaer den voirs(creven) t(er)mijn due(re)nde en(de) telken t(er)mijne als vervolghde/schout Ende es vorwerde dat de voirs(creven) wynne der voirs(creven) joff(rouwe) hoe(re) helcht/vand(er) voirs(creven) vrucht [en(de) coren(en)] jairlix toeghste voe(re)n sal int voirs(creven) hoe(re) hof in/hoe(re) schue(re) ald(aer) op sine(n) cost gelijc den sinen en(de) die vr dat vrucht [dat coren]/alst de voirs(creven) joff(rouwe) sal hebben doen dersschen vue(re)n te loven(en) [op sinen cost] oft/te dyest daert der voirs(creven) joff(rouwe) best genuege(n) sal daer voe(r) dat hi/hebben sal en(de) behoude(n) alle str stroe caf en(de) criensen daer af /comen(de)[en(de) dan sal de joff(rouwe) hem [en(de)] sine(n) knape(n) den cost
gheve(n) en(de) sine(n) p(er)den hoy] Item sal oec de voirs(creven)
wy(n)ne de voirscr(even) lande den voirs(creven) t(er)m[ijn]/due(re)nde wy(n)nen werven en(de) mesten wel en(de) loflic gelijc sine(n) reenge[noten]/bove(n) en(de) benede en(de) alletstroe vandenvoirs(creven) goeden comen(de) jaerli[x]
//
int voirs(creven) hof en(de) dat ald(aer) ette(n) en(de) slite(n) met sine(n) beeste(n) en(de)/te meste make(n) en(de) dat wed(er) uut vue(re)n opt voirs(creven) lant slants/slants meeste(n) p(ro)fite Item sal oec de voirs(creven) wynne jaerlix/coepen [en(de) int hof brenge(n)] xxx hoepe stroes en(de) [desgelijx] de voirs(creven) joff(rouwe)g(er)trude g(er)truyt/xl hoepe de welke xl hoepe de wynne halen sal op sinen cost/daerse de joff(rouwe) sal coepe(n) op also dat sise coept te wete(n) te /te kersbeke oft d(aer) omtrent en(de) int voirs(creven) hof vue(re)n en(de) dan/ald(aer) [oec] ette(n) en(de) sliten met sine(n) beest gelijc voirs(creven) es Ende w(er)t/alsoe datme(n) bynne(n) den voirs(creven) t(er)mine e(n)nige storte graeft d(aer)/af selen de joff(rouwe) en(de) de wynne den cost te gelike dragen/Voert sal de voirs(creven) wynne jaerlix gheve(n) en(de) coepe(n) ii[c] goed(er)/custberre walmae(re) om de huysinge vande(n) voirs(creven) hove mede te/decke(n) en(de) alsmen die ald(aer) verdect so sal de wynne den wercliede(n)/den montkost gheve(n) en(de) de joff(rouwe) sal de dachuren beta dachhue(re)n/betalen Item de voirs(creven) wynne sal ja alle jaer vaghen ende/ruyme(n) die bode(m)me en(de) waterleyen vanden goeden voirs(creven) Voertmeer/sal de selve wynne alle jaer houde(n) en(de) vueden op de voirsc(reven)/goede l scape oft meer Item selen de voirs(creven) joff(rouwe) en(de) de/wynne hebben half en(de) half dat [die] duyve(n) vande(n) duyfhuyse int/voirs(creven) hof staende en(de) d(aer) voe(r) sal de joff(rouwe) jaerlix gheve(n) iiii/ m molevat(en) zom(er)corens om dat duyfhuys mede te spysen/en(de) dmest vande(n) duyfhuyse comen(de) dat sal de wynne(n) hebbe(n)/en(de) opt voirs(creven) lant vue(re)n slants meesten p(ro)fite Item mach de/voirs(creven) wynne(n) jaerlix maken en(de) tot sijnre bernynge(n) behoef/opte voirs(creven) goede neme(n) ii[c] mutsarts Item sal de voirsc(reven)/wynne der voirs(creven) joff(rouwe) jaerlix doen en(de) vue(re)n met sine(n) waghe(n)/en(de) p(er)den van meensel tot loven(en) iii vaerde en(de) dan sal de/joff(rouwe) sine(n) p(er)den hoy gheve(n) en(de) leve(re)n alse hi te loven(en) comt/Ite(m) sal de voirs(creven) wynne joff(rouwe) g(er)truyt alle jaer den voirs(creven) t(er)mijn /due(re)nde coepe(n) x voed(er) m(er)ghels en(de) dat sal de wynne op/sine(n) cost halen d op de cute? daer sijt coep(n) sal Item selen/de voirs(creven) joff(rouwe) en(de) de wynne en(de) de hebben half en(de) half doeft dat/ in opte voirs(creven) goede wassen sal en(de) dat elc van he(re)n sal sijn helcht [dat selen sij doen lesen en(de) ter erden]/ doen lesen leve(re)n en(de) daer af sal de joff(rouwe) half de dachhue(re)n betale(n)/en(de) de wynne dand(er) helcht en(de) d(aer)toe sal hi h den lesers den montkost/gheve(n)[en(de) der joff(rouwe) hoe(re) hecht dan te loven(en) leve(re)n] Voert
es vorw(er)de dat de voirs(creven) joff(rouwe) by(n)ne(n) den
voirs(creven) t(er)mine hoe(re)/goede gelegen jegen [de goede] gheerds van meensel eens wel en(de) lofflic sal doen/ ric grichten Ite(m) sal de vor(screven) wy(n)ne ten eynde vande(n) vors(creven) t(er)mine late(n) alsoe hise/vant in sine(n) incomen /[h(ier) af sijn borgen des vors(creven) arnts als p(ri)ncipael sculd(eren) [ongesund(er)t etc(etera)] en(de) elc etc(etera)/b(er)thelmeeus smeets van bincke(m) en(de) giel(ijs) vande(n) bogarde va(n)/meensele et p(ri)m(us) calstr(is) ouder(ogghe) jul(ii) t(ertia)]
//
int voirs(creven) hof en(de) dat ald(aer) ette(n) en(de) slite(n) met sine(n) beeste(n) en(de)/te meste make(n) en(de) dat wed(er) uut vue(re)n opt voirs(creven) lant slants/slants meeste(n) p(ro)fite Item sal oec de voirs(creven) wynne jaerlix/coepen [en(de) int hof brenge(n)] xxx hoepe stroes en(de) [desgelijx] de voirs(creven) joff(rouwe)
Nagekeken door: Inge Moris
Moderator: Inge Moris
Laatste update:: 2012-01-04 door Inge Moris