Cont sij allen lieden dat willem lachman is come(n) in jeg(enwoirdicheit) der scepen(en)/ van loven(e) en(de) heeft genome(n) en(de) bekent dat hi genome(n) heeft van/ janne vanden huffle de goede hier nae bescreve(n) Te wete(n) vi vi dach(mael)/ lants gelegen in twee stucke(n) d(air) af dat deen stucke houden(de) een/ boend(er) es gelege(n) te wiltsele aende(n) steenwech tusschen janne van/ duysborch en(de) de strate ald(air) dand(er) stucke houden(de) (½) boend(er) es gelege(n)/ ald(air) aende(n) holenwech tusschen den selve(n) holenwech en(de) de goede/ amelrijx de swerte(re) Item een bloc lants gelegen aenden roesselb(erch)/ Te houden en(de) te hebben te wete(n) de voirs(creven) vi dachmael van/ sente andries misse lestlede(n) ene(n) t(er)mijn van vi jae(re)n lang/ en(de) tvoirs(creven) bloc lants van sente andries misse lestlede(n) ene(n)/ t(er)mijn van iii jae(re)n lang deen nae dand(er) sond(er) middel volgen(de)/ elx jaers vo dae(re)n bynne(n) de voirs(creven) vi dach(mael) om iii mudde/ en(de) een halst(er) rox en(de) dbloc lants o(m)me iii mudde rox/ goet en(de) payabel der mate(n) van loven(e) all te sente andries/ misse apost(els) te betalen en(de) te loven(e) te leve(re)n alle jae(re) den/ voirs(creven) t(er)mijn due(re)nde en(de) telken t(er)mine als (et)c(etera) Ende heeft/ geloeft de voirs(creven) willem de voirs(creven) lande sine(n) t(er)mijn due(re)nde/ te wynne(n) wel en(de) loflic gelijc sine(n) reengenote(n) en(de) de selve/ lande ten eynde vande(n) [voirs(creven)] t(er)mine bloet te laten Ende des es/ borghe jan lachman soen des selfs willems te voe(re)n uut sine(n)/ broede gedaen Et p(ri)m(us) calst(eren) grave(n) aug(usti) xiiii