It(em) es vorwerde tusschen de voirs(creven) p(er)sone en(de) joese absoloens dat men joese voirs(creven) dese(n) brief/ niet gheven en sal voir der tijt dat tvo(n)nisse geloepen sal sijn vande(n) saken int gedinghe staende/ voir den officiael van ludick tusschen joese voirg(enoemt) en(de) joff(rouwen) g(er)trude(n) van hasoit Ende eest alsoe/ dat joes absoloens tvo(n)nisse te ludick wint en(de) hem de goede volghen daer tgedinghe om is/ soe salme(n) den voirs(creven) brief van iiii[c] crone(n) te nieute doen en(de) des heylichs gheests meest(er)s/ en(de) kercmeest(er)s van s(int) jacobs op de biest te loven(e) selen joese quijtscelde(n) en(de) vestich(eit) doen/ sond(er) vertrec van alsulken xx mudde(n) corens erffpachts als pet(er) wilen de witte den/ heylgen gheest en(de) kerken voirs(creven) in sine(n) testamente gelate(n) en(de) gemaect heeft Waert oec
//
alsoe dat joes absoloens voirscr(even) tgedinge te ludick jegen de voirs(creven) joff(rouwen) verlore/ en(de) hem de goede afghingen daer sij om dinghen soe salmen den selve(n) joese by(n)nen/ drien maende(n) nae dat tvo(n)nisse te ludick geloopen sal sijn den voirs(creven) brief van/ iiii[c] crone(n) ov(er)gheve(n) om de selve iiii[c] crone(n) aen de voirs(creven) iiii p(er)sone te v(er)reyken/ sond(er) argelist cor(am) eisd(em)