Item ja(m)mart sone willems van beamont van thourniez is come(n) in jeg(enwoirdicheit) (et)c(etera)/ en(de) heeft genome(n) en(de) bekent dat hi genome(n) heeft vande(n) mo(m)boe(re)n der taeflen/ sheylichs gheest van s(in)[te] q(ui)ntens van s(in)[te] jacobs van s(in)[te] mychiels en(de) van/ s(in)[te] g(er)truden te loven(e) de lande toebehoe(re)nde den selve(n) taeflen gelegen/ te mille Te houde(n) te hebben en(de) te wynne(n) van halfm(er)te dat was int/ jaer onss he(re)n m cccc en(de) drientwintich ene(n) t(er)mijn van iii jae(re)n lang/ deen na dand(er) sond(er) middel volgen(de) elx jaers daer(en)bynne(n) o(m)me vijf mudde/ rox goet en(de) payabel der maten van loven(e) te sente andries misse apost(els)/ te bet(alen) en(de) te loven(e) te leve(re)n jaerlix den voirs(creven) t(er)mijn due(re)nde ende telke(n)/ t(er)mine als vervolghde schout Oec sal de voirs(creven) ja(m)mart jaerlix betale(n)/ den pacht en(de) tsijs uut den voirs(creven) goeden gaende Ende heeft geloeft/ de voirs(creven) ja(m)mart dat hi alle stroe vanden voirs(creven) goeden comen(de) te/ meste make(n) sal en(de) dmest d(air) af vue(re)n op de voirs(creven) lande slants meeste(n)/ p(ro)fite Heeft oec geloeft de selve ja(m)mart dat hi den wynt(er)art vanden voirs(creven)/ lande ten eynde vanden voirs(creven) t(er)mine bezaeyt laten sal met wynt(er)coerne op/ viere getidege voe(re)n wel en(de) loflic H(ier) af sijn borghen des voirs(creven) ja(m)marts/ als p(ri)ncipael sculde(re)n ongesund(ert) en(de) ongesceid(en) en(de) elc voe(r) al henric pirarts/ en(de) jan van lare beide van mille Et p(ri)mus pynnoc oude(rogghe) julii viii