Van henricke goetknecht/ Tvo(n)nisse tusschen janne van ghinderneder die ov(er)mids vo(n)nisse van scepen(en) brieve(n)/ van loven(e) geleidt was tot den goeden jan gorijs in deen side en(de) henricke/ goetknecht als momboir m(ar)grieten gorijs dochter jans wijlen gorijs/ bastarts neve des voirs(creven) jans in dande(re) alse vanden goeden h(ier) nae bescreven/ Te weten van (½) dachmale beemts gelegen inden p(ro)chie van rotselaer/ int keerbroeck tusschen de goede jans vander hofstat en(de) mathijs hoeve/[Item een half dachmael beemts gelegen int selve broec tusschen henr(icken) wybrechts en(de) mathijs hoeve vors(creven)]/ Item xli roeden beemts gelegen daer bij tusschen de goede jans van vlaslaer/ ende lodewijx van leefdale Was uutgedragen met desen worden dat nae/ aensprake nae antworde en(de) nae thoenisse de voirs(creven) goede den voirs(creven) henr(icke)/ goetknecht tot behoef der voirs(creven) margrieten gorijs volgen souden Coram/ joh(ann)e de borchoven walt(er)o pynnoc henrico de calstris balduino de gravio/ joh(ann)e vander lynden goeswino ouderogge et dyonisio boys scab(inis) lovan(iensibus) sept(embris)/ x[a] anno xiiii[c] xxvi[to]