Jan van bierbeke sone jans wilen van bierbeke heeft gevo(n)nist voir meye(re) en(de)/scepen(en) van loven(en) seker scepen(en) brieve van loven(en) van v mudden rogs der maten/van loven(en) erfspachts op thien boend(er) lants luttel myn of meer gelege(n) inde /prochie van erpse ter stat geheten ter vorst tusschen de goede h(ere)n wencelijns ts(er)claes/ridd(er)s en(de) de strate gaende van erpse te vorst wert daer goedinge af geschiet is/voir meye(re) end(de) scepen(en) van loven(en) uut machte van beleyde van scepen(en) brieve(n) van loven(en)/alsoe dat de scepen(en) van loven(en) ter manissen smeyers wijsden voir een vo(n)nisse/dat de voirs(creven) jan van bierbeke trecken soude tot sinen pande vonde hi te pande(n)/soe soude hi pande(n) en(de) en vonde hi niet te pande(n) soe soude hi voertvae(re)n met/den rechte dwelc geschiet is ende den meye(re) en(de) scepen(en) van loven(en) met hem/op de pande comen(de) en vonden sij daer op niet te pande(n) alsoe dat ten eynde/de meye(re) van loven(en) leverde met den rechte den voirs(creven) ja(n)ne van bierbeke de/voirscr(even) goede die sijn pande sijn voirs(creven) de voirs(creven) rente en(de) voir den cost dier op/ghegaen is met den rechte cor(am) absoloens haenwijc junii xxv