Item dieric van rosierez van opp(re)bays soen dierix wilen van rosirez/ es comen in jeg(ewoirdicheit) der scepene(en) van lov(en) ende heeft genomen en(de) bekent/ dat hij genomen heeft van h(ere)n janne boxhoe(re)n ridder sijn hof te/ geheten te weez gelegen inde p(ro)chie van yncourt met huysen/ hoven wynnende landen beemden eeuwelen bosschen [metter weyen] en(de) allen ande(re)n/

sinen toebehoirten [ende] metten weyen vanden bossche den selven hove/ toebehoe(re)nde en(de) allen sinen ande(re)n toebehoirte(n) Te houden te/ hebben en(de) te wynnen van l sente andries misse neestcome(n)de/ enen t(er)mijn van ix jae(re)n langc deen na dander staphans sonder/ middel volgende elx jaers hie(re)n bynnen enen t(er)mijn van om/ xxiiii mudde r ende x molevate rogs goet en(de) payabel/ met wanne en(de) met veede(re)n wael bereyt der maten van/ geldenake te s(in)[te] andries misse apostels te betalen en(de) te loven [int voirs(creven) hof]/ te leve(re)n jaerlix den voirs(creven) t(er)mijn due(re)nde en(de) telken t(er)mine/ als v(er)volghde schout Item es vorw(er)de dat de voirs(creven) dieric/ ten eynde van sinen voirs(creven) t(er)mijn [de voirs(creven) lande] wel en(de) loflic sal laten besaeye(n)/ Te weten den arnt die te opp(re)bays weert leet met sijnre/ toebehoirten al met wynt(er) corne op iiii getidege voren den/

ande(re)n aert die te glymez weert leegt met zom(er)coren Ende/ alle de ande(r) lande sal hij laten brake liggen want hise also/ vant te sinen innecomen Item es vorw(er)de dat de voirs(creven) wynne/ alle den tsijs uut den voirs(creven) goeden gaende gelden en(de) betalen sal op/ h(ere)n jans cost voirs(creven) ten behoirliken t(er)minen ende oft den voirs(creven) h(ere)n janne/ e(n)nigen scade quame van dat de voirs(creven) dieric den voirs(creven) tsijs niet/ bij tide en betaelde en(de) uutleyde dien cost [en(de) scade] sal de selve dieric moeten/ draghen Item es vorwerde dat de vors(creven) wynne alle jae(re) int/ voirs(creven) hof leve(re)n sal sinen t(er)mijn due(re)nde ii[c] goeder custbe(re) walme(re)/ om de huysinge aldaer mede te v(er)decken ende alsmen die aldaer/ verdect so sal h(er) jan voirs(creven) de dachue(re)n betalen en(de) de wynne den/ werclieden den montcost gheven Item selen de voirs(creven) h(er) jan en(de)/ / ende de wynne jaerlix den voirs(creven) t(er)mijn due(re)nde coepen i(½)[c] walme(re)/ schoeve stroes Te weten de voirs(creven) h(er) jan c daer af en(de) de/ voirs(creven) wynne l Ende de wynne sal dat stroe halen daert/ de voirs(creven) h(er) jan coepen sal [op een mile nae d(aer) omtrent] Item sal h(er) jan boxhoe(re)n voirs(creven) den/ voirs(creven) wynne jaerlix sinen t(er)mijn due(re)nde gheven v ellen lakens/ tot enen rocke Item es vorw(er)de dat de voirs(creven) wynne den/ voirs(creven) bosch den voirs(creven) hove toebehoe(re)nde wel hueden en(de) verwae(re)n/ en vorste(re) daer af sijn [sal] ende de gate vanden selven bosch wel/ ende custb(er)lic v(er)maken ende nyemande de weyde v(er)hue(re)n moegen/ noch nyemants beesten daer op laten gaen dan de sijns selfs Item/ en selen de [sal] selen gheen beesten noch hoe(re)nveede noch p(er)de opt/ voirs(creven) bosch moegen gaen bynnen drien jae(re)n nae dat tvoirs(creven)/ bosch gehouden gehouwen sal sijn Item sal de voirs(creven) wynne/ allet stroe vanden voirs(creven) goeden comende ende datmen oec coepen/ sal etten met sinen beesten bynnen den voirs(creven) hove ende dat te/ meste maken ende dmest daer af vue(re)n op tvoirs(creven) lant ende/ op gheen ander slants meesten p(ro)fite ende dat wel ende/ getruwelic wynnen en(de) werven op iiii getidege voe(re)n gelijc/ sinen reengenoeten boven en(de) beneden Item sal de voirs(creven) wynne/ lueck moegen houwen vanden willegen op tvoirs(creven) goet staende/ om de goede aldaer mede te beheymen en(de) de thuyne daer/ mede te luyken ende oft de vanden voirs(creven) willigen poeten vielen/ die sal hij setten Item mach de voirs(creven) wynne van allen ande(re)n/ boemen truncken om berringe daer af te crighen ter mynster/ scaden Item mach de selve wynne alle de boeme die op tvoirs(creven)/ goet v(er)droegen selen afhouwen en(de) sijn p(ro)fijt daer mede doen/ op also dat hij voer elken verdroeghden boem twee leevende/ poten vanden selven aerde setten sal Item sal de voirs(creven) wynne/[be] alsmen int voirs(creven) hof metsen decken oft plecken sal dan sal/ de voirs(creven) wynne leem en(de) vitselroeden halen daermen hem/ / dat bewijsen sal Item heeft geloeft de selve wynne bynnen sinen/ voirs(creven) t(er)mijn van ix jae(re)n den voirs(creven) h(ere)n janne weder te gheeven ende/ wel en(de) wettelic te betalen te sijnre moeten de xxviii g(ri)pen te/weten xl pl(acken) voer den g(ri)pe ghereekent viii mudde rogs/ en(de) x mudde even(en) der maten van geldenake dat beyde hem/ gelevert was metter roggender maten van geldenake voirs(creven) die/ den voirs(creven) wynne gheleent wae(re)n te sinen inneccomen aencomen/ vanden voirs(creven) t(er)mine Ende alle dese voirg(eruerde) vorw(er)den geloeften/ ende condicien hebben geloeft de voirs(creven) h(er) jan in deen side en(de)/ de voirs(creven) wynne in dande(r) malcande(re)n vast en(de) gestedich te/ houden ende die deen den ande(r) d ende te voldoen tallen/ tiden en(de) t(er)minen (et)c(etera) rike haenw(ijc) no(vembris) xxiiii