Vanden goeden lieden vanden/ dorpe van buertmeerbeke/ Tvo(n)nisse tusschen willem(me) den gorte(re) van mechlen in deen side gabriel inden aer/ janne vanden hornicke ende woute(re)n vander haeghdocht als mechtich ghemaect/ vanden scepenen ende goeden lieden vanden dorpe van beurtmeerbeke in dande(re)/ als om de straten te beurtm(er)beke te maken daer de voirs(creven) willem de gorte(re) ende/ sijn vorde(re)n dweeghgelt gehaven hebben Es uutgedragen met desen worden/ nae aensprake nae antwerde ende nae de waerheit die daer op verhoirt is/ dat de ghene die dweeghgelt te beurtm(er)beke voertijts gehaven hebben/ ende dagelijx heffen dat die de straten daer sij dweeghgelt heffen maken selen/ Behoudelic dien dat de goede liede vanden dorpe die steene daer toe aldaer/ selen halen alsoe sij van ouds gewoenlic hebben geweest H(ier) wae(re)n over als/ s(in)[te] pet(er)s manne h(er) lodewijc pynnoc ridde(r) raes van g(ra)ven jan de witte gielijs de/ rike jan van nethen(e) jan vanden tymple willem lombart joes absoloens ende jans/ vanden borchoven de jonge viii daege in nove(m)bri