Cond zij allen lieden dat amelric pynnock soen h(ere)n henric pynnox wilen ridd(er)s/ godevaert van sallaken jan van sallaken sijn sone ende jan stoep diemen heet/ goessens ende hebben gehuert jeghen symoen pynnoc [brued(er) des voirs(creven) amelrijx] soen wilen h(ere)n henrix/

pynnox ridders twee wuwers gelegen int hoest(er)broeck [Te houde(n) en(de) te hebben] eenen t(er)mijn/ van ix jae(re)n langc deen na dander sonder middel volgende indegaende/ te kersmisse neestcomende Item hebben geloeft de voirs(creven) p(er)soen(en) den voirs(creven)/ symoen pynnoc te betalen vanden voirs(creven) ii wuwe(re)n oft sinen zeke(re)n bode/

alle jae(re) den voirs(creven) t(er)mijn due(re)nde c ende ii gulden(en) Te weten xxxvi/ pl(acken) brabants payments voer elken den voirs(creven) gulden(e) ghereekent te paesschen/ te betalen Dyer alle jae(re) den voirs(creven) t(er)mijn due(re)nde en(de) telken t(er)mine als/ v(er)voghde schout Dyerste betalinge daer af van paesschen neestcome(n)de/ over een jaer daer naest volgende ende niet eer inne te gane It(em)/ es vorwerde dat de voirs(creven) p(er)soen(en) de voirs(creven) wuwers bynnen den voirs(creven) t(er)mine/ besaeyen moegen wa(n)neer sij willen uutgescheiden inde iii leste(n) jae(re) vanden/ voirs(creven) t(er)mine ende wa(n)neer sij die alsoe besaeyen so selen sij den voirs(creven)/ symoen inden jae(re) dat sise also besaeyt selen hebben gheven c ii gulden(en)/ als voirscr(even) is ende iiii mudde alsulk(er) have(re)n als in dat jae(r) op de voirs(creven)/ wuwers gewassen sal sijn op also dat de voirs(creven) symoen de voirs(creven) wuwers/ als sij also besaeyt sijn op sinen cost wael bevreden sal Item en selen/ gheen beesten op de voirs(creven) dike gaen vanden voirs(creven) wuwers gaen moegen/ als sij besaeyt sijn van halfm(er)te tot dat de vrucht vanden stoppelen is/ ende dan sal de voirs(creven) symoen de weye vanden dike [vanden wuwers] en(de) vanden stoppelen/ hebben maer als sij de voirs(creven) wuwers wate(re)n so en sal de voirs(creven) symoen bynne(n)/ den diken vanden [inde] voirs(creven) wuwers gheen recht hebben Item de voirs(creven) symoen/ pynnock sal houden ende doen maken de dyke ende de goten vanden voirs(creven)/ wouwers op sinen cost Item is vorwerde dat de voirs(creven) p(er)soen(en) de wuwers selen/ vol wate(re)n mett(er) beken alle jae(re) tusschen half aprille ende uutgaende aprille/ ende dan selen sij behouden twee neggergate geheten poetnegghers over/ tijt loepende teghen tcrempen vanden wate(re) Ende waert also dat de beke/ meer waters hadde dan de maeller [molne(r)] behoefde mede te malen dat water/ moegen de voirs(creven) p(er)soen(en) ten wuwers weert laten loepen sonder weder/ seggen Item oft de voirs(creven) p(er)soen(en) bynnen den voirs(creven) wuwers e(n)nigen loeke/ behoefden des sij dien moegen sij houwen op de willegen omtrent/ den voirs(creven) wuwers staende sonder calengie(re)n It(em) moeghen de voirs(creven) p(er)soen(en)/ als sij vesschen [visschen] alle verdroeghde willegen afhouwen omtrent den voirs(creven)/ wuwers ende omtrent de dike droegh hout rapen om te berren/ / als sij waken Item selen de voirs(creven) p(er)soen(en) den voirs(creven) t(er)mijn due(re)nde hebben tgroet/ savoer metten tween cleynen savoe(re)n daer bij staende om hoe(r) vessche daer/ op te legghen tot sij vercocht sijn oft de voirs(creven) wuwers daer mede ghespijst/ selen hebben ende dese savoe(r) sal symoen bevreden en(de) heymen op sinen/ cost ende alle de goten vanden voirs(creven) savoe(re)n gedicht houden en(de) oec op/ sinen cost Item sal hebben de voirs(creven) symoen de weyde vanden diken en(de)/ sijn profijt daer mede doen den voirs(creven) t(er)mijn due(re)nde Item selen/ de voirs(creven) p(er)soen(en) hebben tcleyn savoer dat steet beneden den dike daer/ de wuwer afloept bidem biden waeckhuyse om hae(r) vessche daer op/ te leggen ende hante(re)n also sij daer visschen selen Item moeghen de/ voirs(creven) p(er)soen(en) den g(r)[o]ten wuwer vii voete hoege wate(re)n en(de) niet hoeger/ te meten vanden scedel vander grontgoten opweert t met/ alsulken voete als der stat van loven(e) geswoe(re)n meest(er)s van metsen/ ende van ty(m)me(re)n mede plegen te meten Item oft de voirs(creven) p(er)soen den/ wuwer so hoeger wet(er)den dat hij [dan voirs(creven) is en(de) den dike vande(n) voirs(creven) wuwers gebroken w(er)de] den dike brake en(de) datt(er) den voirs(creven)/ symoen(e) e(n)nige scade af quame dien cost en(de) scade souden hem de/ voirs(creven) p(er)soen(en) gelden ende den voirs(creven) dijck wel en(de) loflic weder doen/ maken op hoe(re)n cost Item is vorw(er)de oft geviele dat arnde de voirs(creven)/ wuwers savoere oft aen den dike vander leybeke haestelic yet/ te wercken wae(re) daer den voirs(creven) symoen oft den voirs(creven) p(er)soenen scade/ af comen mochte datmen op iii iiii oft v daghe maken mochte/ dat selen de voirs(creven) p(er)soen(en) getruwelic doen maken gelijc oft hoers/ selfs goet wae(re) ende de dachue(re)n vanden voirs(creven) daghen voer uut leggen/ die de voirs(creven) symoen hen af corten sal ten naesten t(er)mine van betalingen/ Item oft e e(n)nichs vanden voirs(creven) p(er)sonen bynnen den voirs(creven) t(er)mine aflivich/ worde so selen de gheene die daer levende sijn selen ande(r) [geloevige] p(er)soen/ inde stat des doeden setten en(de) hen dat de voirs(creven) geloeften doen geloven/ also dat den selven symoen vast en(de) sek(er) sijn sal Ende alle dese vorg(eruerde)/ vorw(er)den geloeften en(de) condicien (et)c(etera) abs(oloens) velde no(vem)[br(is)] xxix