Item andreas reychineal (et) anthonius le politz scabini de hannuto testabant(ur)/ exp(re)sse se int(er)f(uisse) ubi balivus de ha(n)nuto med(iantibus) d(i)c(t)is scab(inis) de ha(n)nuto de mandato/ villici lov(aniensis) add(uxit) mathia(m) mathir de jauche ad bona joh(ann)is pirart de petit halley/ sit(a) apud infra ba(n)nu(m) de ha(n)nuto (et) in co(n)finiis ibidem in domib(us) cur(tibus) t(er)r(is) ar(abilibus)/(et) suis p(er)t(inentiis) univ(er)s(is) att(inentibus) prout d(i)c(t)us joh(ann)es d(i)c(t)a bona ibidem tene(re) co(n)suevit/ pro c(er)t(is) recognit(i)o(n)ib(us) (et) p(ro)missio(n)ib(us) consc(ri)pt(is) in l(itte)ris scab(inorum) lov(aniensium) quar(um) tenor seq(uitur)/ in hec verba Cond zij allen lieden dat jan pirart van cleyn halley es come(n)/ in jegew(oirdicheit) d(er) scepen(en) van loven(e) en(de) heeft genome(n) ende bekent dat hij genome(n)/ heeft van mathise mathir van gheete thof des selfs mathijs met den/ wynne(n)den lande en(de) allen sijnen toebehoirte(n) gelijc dat hij houden(de) es/ inden gelente van petit halley voirs(creven) gelijc dat henric le begge van jandraine/ die ald(aer) te houden plach uutgenome(n) den nuwe(n) solde(r) boven de came(r)/ en(de) de beemde geheten a paradis die de voirs(creven) mathijs tot sine(n) p(ro)fite/ behouden sal Te houden te hebben en(de) te wynne(n) van alre heylgen misse/ naestcomende ene(n) t(er)mijn van neghen jae(re)n langc deen nae dand(er) d(aer) nae/ sond(er) middel volgende Te weten thof mette(n) wynne(n)de lande en(de) beemde(n)/ ende sine(n) p(r)oprinze? of begripe o(m)me xxvii mudde spelten goet en(de) payabel/ der maten van hoeye en(de) dand(er) lande elc boend(er) daer af der mate(n) van/ petit halley o(m)me ond(er)half mudde corens alsoe goet als thiendecore(n) van/ halley der mate(n) van ha(n)nut alle jae(re) te s(in)[te] andriesmisse apostels te/ betalen en(de) int voirs(creven) hof te lve(re)n Behoudelic dien dat de voirs(creven) wy(n)ne/ van dien pachte betalen sal xxiiii mudde cleerd(er) tarwen voer xxiiii mudde/ vanden voirs(creven) corne alle jaer de(n) voirs(creven) t(er)mijn due(re)nde en(de) telken t(er)mine/ als vervolghde schout En(de) dierste betalinge vanden voirs(creven) pachte in te gaen/ te s(in)[te] andries misse o dat wesen sal int jaer onss hee(re)n dusent vierhond(er)t/ en(de) enentwijntich Item es vorw(er)de dat de voirs(creven) wynne bynne(n) den voirs(creven)/ t(er)mine de voirs(creven) lande wel en(de) loflic eens ov(er)mesten sal oec en sal hij vande(n)/ voirs(creven) lande jaerlix niet meer moege(n) hoervruchten dan een half boend(er)/ Item es vorw(er)de dat de voirs(creven) wynne alle stroe en(de) voesteringe comende va(n)den/ voirs(creven) lande b(ri)ngen sal int voirs(creven) hof en(de) dat aldair etten ende vertee(re)n met/ sijnen beesten ende te meste maken en(de) dat vue(re)n op tvoirs(creven) lant slants/ meesten p(ro)fite Oec sal de voirs(creven) wynne Oec sal de voirs(creven) wynne den voirs(creven)/ mathijse jaerlix betalen te sinte andries misse twee vrancr(ijx) crone(n) vanden/ beemde a vivier Item sal de voirs(creven) wy(n)ne den voirs(creven) mathijse jaerlix leve(re)n/ / iiii[c] walme(re) de huyse ald(aer) mede te decken en(de) als alsmen die aldair verdect/ soe sal de wynne den werclieden den cost gheve(n) en(de) mathijs sal de dachue(re)n/ betalen desgelijx soude de voirs(creven) wynne oec doen Waert alsoe dat aende voirs(creven)/ huysinghen van cleyne(n) stucken yet gebrake mar van grover ty(m)meringen oft/ gheviele datmense maken dede daer af soude de voirs(creven) mathijs den cost allene/ dragen Behoudelic dyen dat de voirs(creven) wynne altoes den leem halen sal soude/ alsmens h behoefde Item es vorw(er)de dat de voirs(creven) wynne alle de willegen/ en(de) truncboeme staende op de voirs(creven) goede truncken sal van drien jae(re)n te/ drien jae(re)n om de goede mede te bevreden en(de) tsinen p(ro)fite te beke(re)n Het es/ vorw(er)de dat hij thof mette(n) beslotenen hoven daer aen gelege(n) wel en(de)/ loflic bevreedt laten sal en(de) also saelt hem mathijs in sijnen income(n) leve(re)n/ Voert es vorw(er)de dat de voirs(creven) mathijs den voirs(creven) wynne ten ingaen vanden/ voirs(creven) t(er)mine leve(re)n sal xxiiii arnhemsche gul(den) twelf mudde corens en(de)/ xii mudde evene(n) mate van ha(n)nut de welke de selve wynne hem by(n)nen/ den voirs(creven) nege(n) jae(re)n weder betalen sal te weten alle jaer dneghenste deel d(aer) af te sinte andries misse Item sal de voirs(creven) mathijs den voirs(creven) wynne in sine(n)/ incomen noch leve(re)n een mudde grauwer erwite(n) en(de) een mudde vechen der/ maten van ha(n)nut en(de) driehond(er)t schoeve ond(er) erwete(n) en(de) crocken Dwelc de/ voirs(creven) wynne den voirs(creven) mathijse ten eynde vande(n) voirs(creven) t(er)mine wed(er)gheve(n) en(de)/ betale(n) sal Item es vo vorw(er)de dat de voirs(creven) mathijs den voirs(creven) wynne in/ sijne(n) income(n) vande(n) voirs(creven) t(er)mine laten sal en(de) leve(re)n alle stroe en(de) caf dat/vallen sal vande(n) voirs(creven) corne come(n) sal dat vand(er) voirs(creven) wy(n)nynge(n) ingevuert/ sal w(er)den inden lesten oeghst voer des voirs(creven) wynne(n) incomen en(de) mids dien soe/ sal de selve wynne alle stroe en(de) caf dat vallen sal vande(n) corne en(de) vruchte(n)/ comende vanden voirs(creven) goeden te(n) lesten jae(r) vande(n) voirs(creven) t(er)mine den voirs(creven) mathijse/ int voirs(creven) hof laten Item want de voirscr(even) wynne den roggenenart vanden/ voirs(creven) landen bezaeit vindt in sine(n) incomen Soe es vorw(er)de datmen/ tsinen income(n) taxeren sal bij goeden knapen en(de) dien selven art sal hij te/ sijne(n) uutgaen oec wel en(de) loflic bezaeit laten en(de) dan salmen oic taxe(re)n/ bij goeden knapen Eest dan dat sij tsinen uutgaen arg(er) sijn dan hijse vindt/ dat sal hij mathijse oprichte(n) sijn sij beter dat sal mathijs den wynne/ oprichten Item es noch vorw(er)de dat de voirs(creven) mathijs den voirs(creven) wy(n)ne/ borgen sal alle jae(re) vande(n) ene(n) sinte andries misse tot den ande(re)n twelf/ mudde corens op dat de voirs(creven) wynne wilt Item gevielt alsoe dat de/ voirs(creven) wy(n)ne by(n)nen den voirs(creven) t(er)mine op de voirs(creven) goede enige schade hadde of/ / lede van tempeeste of gemeyne(n) orloge Soe es vorw(er)de dat de voirs(creven) mathijs/ hem d(aer) af rastoer doen soude gelijc ande(r) he(re)n en(de) p(re)late hoe(re)n wynnen aldair/ boven ende beneden doen selen Item sal de voirs(creven) mathijs den voirs(creven) wy(n)ne/ jaerlix gheve(n) enen rock van vier ellen lakens En(de) alle de[se] vorw(er)den hebbe(n)/ geloeft de voirs(creven) mathijs in deen sijde en(de) de wynne in dande(re) malcande(re)n vast/ en(de) gestedich te houden en(de) te voldoen tallen tiden en(de) t(er)minen als sij vallen/ ende verschine(n) selen en(de) elken t(er)mine als vervolghde schout Hier wae(re)n/ ov(er) goessen ouderogge en(de) arnt bone scepen(en) van loven(e) Gegeve(n) negen/ dage in februa(r)io int jaer onss he(re)n dusent vierhond(er)t en(de) negenthiene/ in quo q(uem)ad(modu)[m] (Et) h(ab)uit q(ue)rel(as) quiquid(em) q(uo)d faciu(n)t lomb(ar)t abs(oloens) dec(embris) xxiii