Van joffr(ouwe) lijsbetten van bleetsbeke ende/ den borghen/ Tvo(n)nis van joff(rouwe) lijsbetten van bleetsbeke als dat de borghen geheten/ arnt van bleetsbeke jan van heytb(er)ge ende ghijsbrecht fauts geloeft/ hadden hoe(r) int recht te bringhen inde banck voer meye(r) ende scepen(en)/ van loven(e) was biden hee(re)n tcepen(en) van loven(e) ghemaent vanden meye(r)/ van loven(e) uutgedragen in des(er) vueghen want de borghen de/ voirs(creven) joff(rouwe) lijsbet eenwerven anderwerven ende derdewerven/ gep(rese)nteert hadden te rechte inde banck voer meye(r) ende scepen(en)/ van loven(e) dat de borghen voertaen vander borchtocht ongehouden/ sijn souden P(rese)ntib(us) eg(idio) rike judoco abs(oloens) joh(ann)e de borchoven iunio(r)e henr(ico)/ vroede et arnoldo vanden velde scabinis lov(aniensibus) februarii t(erci)[a] anno xiiii[c] xxvii[mo]