It(em) ger(ard) van baussele secretar(is) d(er) stad van lov(en) heeft gecoe(re)n voir/ sijn deylinge [voir scepen(en) van lov(en) h(ier) na genoemt in jegewooirdicheid van lodewijc en(de) stas vande(n) plassche gebrued(ere)n sine(n) zwage(re)n] dierste portie Te wete(n) tgeleege d(aer) sijn moed(er)/ in woende It(em) eene(n) droege(n) beemt op den co(n)nemy(n)ne It(em) i zille/ lands met den coe(re)n d(aer) op staende gelege(n) opte marche It(em) (½)/ boend(er) lands op den savel gelijc de cedule die staes [vande(n) plassche] ov(er)gegeve(n)/ heeft begrijpt en(de) v elc van lodewijc en(de) stas geloefde sijn/ kynde(re) te vervaen dat sij dese deylinge vast en(de) gestedich/ houde(n) soude(n) en(de) d(aer) op verthien rike borch(oven) junior julii/ s(ecund)[a]