Item de zake hangende tusschen janne van daelhem van pamele/ in deen side ende h(er)manne van pamele in dande(re) es uutgeset/ in deser vueghen dat de voirs(creven) p(ar)tien met hoe(re)n medegesellen in/ beyden siden enen mynliken dach houden selen van morgen in viii/ dagen Te weten is des sondaeghs om v(er)enicht te werden van/ allen gescille tusschen beyde de p(ar)tyen ende hoe(re)n hulpe(re)n wesende op/ dat sij comen ende op dat sijs niet eens gewerden en connen soe/ heeft geloeft de voirs(creven) jan van daelhem jeghen den meye(r) van loven(e)/ int recht te comen voer meye(r) ende scepenen van loven(e) des donders/ daeghs daer nae ende rechts te pleghen ende oft de voirs(creven) jan/ van daelhem alsdan metten meye(r) van loven(e) niet beslicht en worde/ met der mynnen oft metten rechte so heeft geloeft de voirs(creven) jan/ van daelhem des sat(er)daeghs daer nae Te weten in alre heilige(n)/ daeghe met der zonnen te loven inde vroente te comen ende van/ daer niet te scheyden voer dire tijt hij met den hee(re) sal beslicht/ ende v(er)enicht sijn op enen banduyn van vijftich vrancr(ijx) cronen/ tot behoef ons gened(ichs) hee(re)n van brabant Ende oft de voirs(creven) jan van/ daelhem tusschen dit ende den voirs(creven) sat(er)dach metten meye(r) v(er)enicht/ wae(re) dat hij bynnen drien daegen daer nae porren soude de/ bedev(ar)de die [de] hee(re)n scepen(en) van loven(e) over hem gewijst hebben/ ende des sijn sijn borghen willem van daelhem sijn brueder ende/ henric godscalx Et p(ri)m[(us)] Hier wae(re)n over gielijs de rike/ joes absoloens jan vanden borchoven de jonge gheert van haenwijc/ en(de) henric de vroede xviii daege in octobri