Van huwelet sone jammarts/ wilen le begineal/ Tvonnisse tusschen ernarde loiste van gistoul die ov(er)midts vonnisse van scepen(en)/ brieven van loeven(en) geleidt is tot den goeden jammarts begineal in dien side en(de) huwelet/ sone des voirs(creven) wilen jammarts begineal in dande(re) alse vanden goeden hier nae bescreven/ gelegen te ned(er)sten bouler te weten inden iersten van enen stucke lants gelegen ond(er) den wech/ gaende te rawainpreit wert tusschen de lande henry le rat ende jans vrou yden sone/ Item van i dachmael lants gelegen daer boven renende aen de lande jans de reu/ Item van i elsbosch geheten les rines renende aen arnkin le myngnon It(em)/ van enen heydeken gelegen biden beemde scalkin Item van enen stucke lants en(de)/ beemts alsoet gelegen is a rawainpreit tusschen henrix le rat en(de) sartealz/ wilen derchenbrout It(em) van i stuc lants gelegen ter baren renende aen boudarde/ depont en(de) pirarde vanden groten huyse Item van i stucke erfs geheten ornoit/ renende aen de goede jans fil dancmeyde Item van enen stucke lants gelegen te h(er)nasart/ renende aen de goede jans tailhepres Item van enen stucke lants gelegen a cheney/ mont op den wege gaende van enen bouler tot den ande(re)n Item van enen stucxken/ lants gelegen a reupreit Item van enen stucke lants gelegen boven tdal van/ bouler en(de) van huyse en(de) hove gelegen te ov(er)sten bouler tusschen de beke en(de)/ de h(er)strate Was uutgedragen met desen woirden dat den voirs(creven) huwelet/ de voirs(creven) goede volghen souden en(de) hadde de voirs(creven) ernart loiste enigen erfpacht/ op de voirs(creven) goede te volghen dat hi dat dade inden hof daer de voirs(creven) goede hoven/ P(rese)ntib(us) johanne de borchoven ludovico roelants johanne de opp(endorp) walte(r)o/ pynnoc iunio(r)e ar(noldo) vynck et johanne de hugard(en) scabi(nis) lovan(iensibus) maii xix