Van baudewijn beertram en(de)/ janne goffele/ Tvo(n)nisse tusschen baudewijn beertram die beleidt es tot allen den/ goeden beruerlic en(de) omberuerlic reynsons sone geraerts wilen delle/ brueyre in deen sijde ende janne goffele alse momboer lijsbette(n) sijns/ wijfs sust(er) des voirs(creven) reynsons in dande(re) es uutgedrage(n) met desen worde(n)/ dat beyde den voirs(creven) p(ar)tien de voirs(creven) goede volghen selen in d(er) manie(re)n dat/ hue(re) beyd(er) waerheit gedrage(n) heeft Ende es te wete(n) dat de voirs(creven)/ waerheit droegh dat de voirs(creven) reynson en(de) baudewijn den voirs(creven) ja(n)ne/ goffele goedde voir scepen(en) van glymez in vi dach(mael) lands gelege(n) te/ glymez en(de) hem d(aer) af hofrechte dede op alsoe dat jan en(de) sijn wijf/ den voirs(creven) reynson en(de) baudewijn vesticheit doen soude vande(n) huyse/ delle bruwiere gelege(n) te jauchelet en(de) van alle den ande(re)n goeden/ te jauchelet gelege(n) uutgenome(n) den beemt gehete(n) [a] cach dat dat/ alsoe geschien sal welken beemt en(de) alle de ande(re) goede beruerlic/ ende omberuerlic de voirs(creven) p(ar)tien brued(er)lic en(de) sust(er)lijc deylen selle(n)/ nae den rechte vand(er) bancken en(de) plaetsen dair de goede ond(er)/ gelege(n) sijn cor(am) joh(ann)e de borchove(n) ludovico roelants joh(ann)e de oppend(orp)/ walt(er)o pynnoc iunio(r)e joh(ann)e de hug(ar)de(n) et dyonisio boys scab(inis) lovan(iensibus)/ maii xxviii anno xiiii[c] xxix[no]