(cond) (sij) (al)len lieden dat willem laureys molde(r) es comen in jeg(enwoirdicheit) der scepen(en)/(van) (loevenen) ende heeft genomen ende bekent dat hi genomen heeft van janne vande(n)/(bor)choven den jongen de molen des selfs jans gehete(n) te quaecbeeck [met den beemdeke [en(de) hoe(re)n toebehoirten] gelijc jan soelart die gehoude(n) h(eeft)] gelege(n) te v(er)trike/ tusschen de kerke aldaer en(de) thof henrix vande(n) borchhoven Te houden en(de) te hebben/ van van s(en)[t] jans misse nu lestlede(n) enen t(er)mijn van drien jae(re)n lang deen nae/ dand(er) sond(er) middel volgen(de) Elx jaers dae(re)nby(n)nen o(m)me xviii sacke corens goet/ en(de) payabel pacht van vertrike der maten van thiene(n) te weten vi halst(er) der selv(er)/ maten voir een mudde gerekent te s(in)[t] andr(ies) [jans] misse bap(tis)[te(n)] te bet(alen) en(de) te v(er)trike te leve(re)n/ jaerlix den voirs(creven) t(er)mijn due(re)nde en(de) telke(n) t(er)mine als vervolghde schout Ende es/ vorwerde dat de voirs(creven) willem de voirs(creven) molen den voirs(creven) t(er)mijn houde(n) sal van/ allen werke ind(er) vueghen dat jan soelart die voirtijts gehoude(n) heeft Ende hier af/ sijn borghen des voirs(creven) willems als p(ri)ncipael sculde(re)n ongesund(er)t en(de) ongescheiden/ en(de) elc voir al goessen vand(er) hulst gheert vande(n) vive(re) en(de) goessen de gec coste(r)/ alle van rode bi cortelke Et p(ri)m(us) oppend(orp) py(n)noc junii xxv