Van henrick walscharts/ Tvonnesse vanden gedinge dat geweest is voir meye(r) en(de) scepen(en)/ van loven(en) tusschen henrick walscharts in deen zijde mathijse der/ boven goerd woyts en(de) willem moleman in dande(re) alse vanden/ goeden hier nae bescreve(n) Inden iersten van vier boende(re)n onder/ boeg(ar)t lant beemde en(de) euselen oft d(aer) ontrint gelijc belege(n) is inde/ prochie van westerle tusschen die goede dieme(n) heet de/ keersele(re) moerte(n) jans d(er) bove(n) en(de) d(er) kynde(re) henricx wilen ov(er)berch/ Item een stuc lants houden(de) i(½) boend(er) luttel myn oft meer gelege(n)/ aende berchstrate tussche(n) die goede jan bergma(n)s en(de) jans d(er) bove(n)/ It(em) van iiii boende(re)n ond(er) lant bosch eusels en(de) heyden of d(aer) ontrent/ gelijc gelege(n) is aen de berchstrate tusschen die goede willems/ wilen gheeben en(de) tvelt gheheten den hoevel Was uutgedrage(n)/ met desen woerden na ae(n)sprake na antwerde en(de) na thoenis [en(de) nae den goeden vo(n)nissen die voir daer op gewijst sijn] dat/ den voirs(creven) hen(ric) walscharts volge(n) soude(n) alsulke(n) goede als hij aen / gesproke(n) hadde also verre alst noch voir die he(re)n de scepen(en) come(n) was/ p(rese)ntib(us) eg(idio) rike will(el)mo lomb(ar)t jacobo ex lye(ming)[en] joh(ann)e de borch(oven) iunio(r)e/ pal paulo coste(re) petro willem(air) et henr(ico) wante scab(inis) lov(aniensibus) aug(usti) xi a(n)no xiiii[c] xxix[o]/