Van henricke(n) scoerbroet/ Dair na op enen ande(re)n dach van rechte heeft de voirs(creven) jan uut(er) helcht aenge/ sproken den voirs(creven) henricke scoerbroet vander selver vorwerden dat hij de voirs(creven)/ goede jegen den voirscr(even) henricken scoerbroet enen t(er)mijn van jaren gehuert/ hadde Dair op dat hem de selve henric met rechte alsoe verantwerde/ dat ten eynde de hee(re)n scepen(en) van loeven(en) ter manissen smeyers wijsden voir/ een vonnisse dat alsulken aensprake als de voirs(creven) jan uuter helcht ten voirs(creven)/ henricke scoerbroet w(er)t gedaen hadde den selven henric gheen ontstade doen/ en soude P(rese)ntibus judoco absoloens balduino de gravio walt(ero) pynnoc iunio(r)e/ et arnoldo vande(n) velde scabinis lovan(iensibus) octobr(is) ultima