Van henricke voet ende/ janne nute/ Tvonnisse tusschen janne van uuthem diemen heet nuten van arschot die voir/ meyere ende scepen(en) van loeven(en) gegoet en(de) geerft es in drie dach(mael) beemts gelege(n) tarscot/ inde lange beemde tusschen de goede henrix opte brugge en(de) scloesters van s(in)[te] gertruden/ van loeven(en) van janne gords diemen heet luyten die overmidts vonnisse van scepen(en) br(ieve)/ van loeven(en) hem bekent van henricken voet beleyt was totten goeden des selfs henrix/ voet voirscr(even) in deen sijde ende daneel voet die overmidts vonnisse van scepen(en) brieve(n)/ van loeven(en) beleidt is totten goeden meester peters voets sijns vaders brued(er) des voirs(creven)/ henrix voets in dande(re) Alse vanden drien dach(mael) beemts voirscr(even) d(aer) af dat de voirs(creven)/ daneel inden name van sijnen voirs(creven) vad(er) eysschende is de helcht alse voir sijns/ vaders kijnsgedeelte Was uutgedragen met desen woirden dat den voirs(creven) daneele/ en(de) sijnen beleyde de helcht vanden voirs(creven) dien dach(mael) beemts volgen soude en(de) want/ dair inden rechte testamenten geruert waren Soe lieten de scepen(en) [die] gaen d(aer) sij sculdich/ we(re)n te gaen P(rese)ntibus joh(ann)e de borchoven iudoco abs(oloens) walt(ero) pynnoc iuniore et goess(uino)/ ouderogge scab(inis) lovanien(sibus) junii ix