Item jan deens de jonghe heeft geloeft dat hij van heden in viii dagen naestcomende/ metter sonnen sal weder comen sal inde vroente te vranx nausnyders in alsulker/ voeghen als hij nu es het en ware dat hij hie(re)n bynnen metten meye(r) van loeven(e)/ eens worde van alsulker aensprake(n) als de meye(r) van loeven(e) te hemw(er)t gedaen/ heeft Des sijn borgen des voirs(creven) jans deens des jonghen jan deens sijn vader/ jan ghents en(de) gord van wolputte en(de) hier aff hebben geloeft jan deens de/ jonge en(de) sijn vader den voirscreve(n) jan ghents en(de) goerde van wolputte co(m)merloes/ tontheffen lomb(ar)t lyemyngen abs(oloens) vynck hugarde(n) voshem maii xvii