SAL7326, Act: V°244.2-R°245.1 (155 of 264)
Search Act
previous | next
Act V°244.2-R°245.1  
Act
Date: 1432-02-18

Transcription

2019-05-11 by eugenia knops
It(em) philips le bachelot heeft opgedragen met behoirliker/
verthienissen ene(n) stal gelege(n) aen de h(er)berge gehete(n) de(n) ynghel/
inde proefst(ra)te jegen de halle van lov(en) tusscen de zale vand(en) voirs(creven)/
h(er)bergen en(de) de goede willems reers dair naist gelege(n) steecke(n)de/
van aen de came(re) svoirs(creven) willems op de sijde ter zalen wart/
voirs(creven) tot aen den stijl van d(er) doere(n) vande(n) groete(n) peertstalle/
vand(en) voirs(creven) h(er)bergen en(de) also miesch tot der want vande(n) selve(n)/
groete(n) p(er)tstalle staende op deynde ten goeden wart des voirs(creven) wille(m)s/
Behoudelic dien dat de voirs(creven) willem tusscen de sale en(de) den stal voirs(creven)/
also lanc als den stal op de sijde te salen wart es dair een/
want nu steet ene(n) steyne(n) muer sal doen maken in quareel/
dicke tot ond(er) den solde(r) vand(er) selv(er) salen en(de) desgelijx sal hij ene(n)/
muer doen maken van aen den stijl vand(er) staldoe(re)n voirs(creven) ond(er) den/
solde(r) vande(n) voirs(creven) groete(n) stalle tot den hornec vande(n) selve(n) stalle/
ten goede wart svoirs(creven) willems tussce(n) dit en(de) zinxen naistcomen(de)/
op also dat de voirs(creven) willem aen den voirs(creven) muer ten goede(n) wart/
svoirs(creven) philips een heymelicheit sal moege(n) doen metssen ende/
woude hij ty(m)me(re)n op sijn erve aldair dat hij sijn ty(m)meringe inde/
voirs(creven) muere sal moege(n) doen vestige(n) op ... vuege dat de voirs(creven) willem/
den voirs(creven) philipset te sijne(n) hove wart een vinste(r) [sal doen] make(n) sal licht inde(n)/
groete(n) stal af te hebben op also dat de selve willem tregen water/
comen(de) vande(n) huyse(n) svoirs(creven) philips op de sijde tsijnen goede(n) wart op/
sijn erve ontfaen sal en(de) op tsine(n) afleyden voirtaen erflic ende
//
de voirs(creven) muere(n) selen philips en(de) willem voirg(enoemt) erflic te gelike staende houden/
Ende als de voirs(creven) philips met den rechte d(aer) was uutgedaen en(de) te/
male afgewijst Soe wart d(aer) inne ghegoet en(de) geerst met ene(n) erflike(n)/
rechte willem reers voirscr(even) ende heeft geloeft de voirs(creven) philips den/
voirg(enoemden) willem(me) vande(n) voirs(creven) goede(n) alt(ijt) genoegh te doen op dat hij/
hem d(aer) af in yet te nauwe gesciet wae(re) ende de s selve goede op/
ene(n) pe(n)ninc jairlix tsijs bors gelts als op allet trecht d(aer) voir/
uutgaende van allen ande(re)n co(m)me(r) en(de) calainguen voirtaen te/
wae(re)nde(re)n also dat den voirs(creven) ph(ilip)s willem(me) vast en(de) seker genoegh/
sijn moegen Ende om [ten meerde(r) sekerheiden] den voirs(creven) willem vande(n) voirs(creven) genoegh doen/
en(de) wae(re)ndeerscap [ te ...] te doen Soe heeft de voirs(creven) ph(ilip)s de voirs(creven) herberge gehete(n) den yngel met allen hoe(re)n toebeh(oirten) bij oirlove she(re)n/
vande(n) gronde in tytule van v ene(n) wittige(n) ond(er)pande verobligeert/
H(ier) wae(re)n ov(er) lomb(ar)t abs(oloens) fe(bruarii) xviii
Contributorskristiaan magnus
Moderated bykristiaan magnus
Last update: 2014-04-29 by Jos Jonckheer