Item de voirscr(even) willem jan tyerens ende jan tyerens de jonge sijn sone in jeg(enwoirdicheit)/ der scepen(en) van loeven(en) gestaen hebben geloeft ende geconsenteert voir hen/ hoe(re)n erfgenamen ende nacomelingen janne doncker sijnen [hoe(re)n] erfgename(n) ende/ nacomelingen sijnen ganc dnutscap ende p(ro)fijt tot d(er) heymelich(eit) staende inde/ donckerstrate opte voere over de twee derdedeele vand(er) helcht van enen/ hoefken hen toebehorende gelegen tusschen terde derdendeel vand(er) helcht/ vanden selven hoefken den selven will(em)me alleen toebehoe(re)nde en(de) de goede/ jans van laetwijck sonder wederseggen des voirs(creven) willems jans tyerens/ en(de) jans tyerens de jonge cor(am) eisdem