Wij arnt vyncke en(de) andries van voshem scepen(en) van loven(e) doin cond/ en(de) kenlic allen lieden dat voir ons come(n) es vrouwe lijsbeth van/ scoenvorst vrouwe van wed(er)greete en(de) heeft openbairlic bekent/ dat lodewijc de rike rentm(eeste)r van loven(e) die inde(n) name van ons(er)/liever nichten vrouwe katline(n) van scoonvorst weduwe h(e)r(e)n gheerts/ wilen van yngelsdorp ridders gehoude(n) en(de) ghehadt heeft de/ hanteringe vande(n) bossche van merdal dair wij seke(re) de voirs(creven)/ vrouwe lijsbeth seke(re) jairlike rente(n) op hebben heeft vande(n) elfste(n)/ dage van octobri int jair ons he(re)n dusent cccc en xxv tot den/ dage toe van heden ons hoir geheelic en(de) al genoegh gedaen en(de)/ volcomelic betaelt en(de) v(er)nueght heeft van alle(n) so(m)men van pe(n)ninge(n)/ en(de) hanteri(n)ge(n) vande(n) bossce voirs(creven) dair inne dat sij de voirs(creven) lodewijc/ de rike ter voirs(creven) vrouwe lijsbette(n) wart gehoude(n) mach sijn en(de)/ oec van allen aensprake(n) en(de) optichte(n) d(aer) aff dat sij oft hoir/ nacomel(ingen) den selve(n) lod(ewijcke) oft sijne(n) nacomeli(n)ge(n) nu of hier namaels/ in e(n)nige(n) tide(n) toecomen(de) ae(n)spreken oft betiden mochte in e(n)nig(er)/ wijs d(er) voirs(creven) hanteri(n)ge(n) aengaende Ende heeft de voirs(creven) vrouwe/ lijsbeth voir hoir en(de) hoir nacomel(ingen) den voirs(creven) lod(ewijc) den riken sijn/ erfgename(n) en(de) nacomeli(n)ge van allen saken voirscr(even) en(de) van allen/ dien desinen dair toe allige(re)n mochte aenrue(re)nde d(er) voirs(creven) hanteri(n)ge(n)/ vande(n) voirs(creven) bossche van merdal of hoe(re)n rente(n) die sij d(air) op hebben/ mach geheelic altemael en(de) volcomelec quijtgescoude(n) en(de) scout/ quite met dese(n) l(ette)ren teeuwelike(n) d dage(n) Ende heeft geloeft/ voir hoir en(de) hoir nacomeli(n)ge dat sij den voirs(creven) lodewijc noch sijn/ nacomeli(n)ge vande(n) voirs(creven) stucke(n) ne(m)mermeer aenspreke(n) betyen/ noch moeyen en sal bij hoir selve(n) noch bij nyema(n)de and(er)s in/ gheene(n) rechte gheestelic oft weerlic in e(n)nig(er) manie(re)n in orkonde(n)/van [van welke(n) enige(n) wi scpen(en) van loven(e) voirs(creven)] onse(n) zegelen hier aen [hebbe(n)] gehange(n) Gegeve(n) viii dage(n) in/ janua(r)io int jair ons he(re)n dusent iiii[c] een en(de) dertich