Van joffr(ouwe) magrieten vander noet en(de)/ daneele van scoenhove(n) hue(re)n man/ Item is verboden den clercken in beyde den came(re)n bij overdraghe vand(er)/ stat wairt also dat daneel van schoenhove(n) of de ghene die tot/ sijne(n) goede(n) geleit is oft beleit mochte w(er)den nae den rechte vand(er)/ stat e(n)nige goede vercopen of belasten woude in e(n)nig(er) manie(re)n/ die van joffr(ouwe) magriete(n) weghen vander noet sijns wijfs come(n)/ wa(r)en dat de selve clercke daer bij noch ov(er) staen en sullen/ noch den scepen(en) bij bringhen maer den selven scepen(en) tvoirs(creven)/ verdrach cu(n)dighen om dat voirt bij der stat te bringen Te/ dien eynde dat de stat alle bescheit in beyden zijden aengehoirt/ daer inne voirt mach doin ende laten ghescien des hue(r)/ besceit ende redelic duncken sal Behoudelic dien of de/ voirs(creven) daneel e(n)nich ghebrec hadde aen sijn sculde(re)n oft/ pechtene(re)n dat men den ghene(n) die tot sijnen goede(n) beleit/ is oft mochte w(er)den daer af behulp doin sal ten orbe(re) ende/ p(ro)fijte van daneele en(de) der joffr(ouwe) voirs(creven) Actu(m) in pleno (con)silio/ P(rese)ntib(us) d(omi)no lud(ovico) pynnoc milite will(el)mo lomb(art) [lyemi(n)gen] mych(aele) abs(oloens) joh(ann)e/ de hug(ar)den (et) andr(ea) de voshem scab(inis) lovan(iensibus) febr(uarii) vi a(n)no xxxi[o]