Van gielise uuten lyemyngen/ te(n)nen potghiete(r) en(de) mabilien/ colays/ Tvonnisse tusschen gielijs uuten lyemyngen te(n)nen potghiete(r) die ov(er)mids/ vonnisse van scepen(en) brieven van loven(en) beleit is tot den goeden goessens/ collay ende mabilien sijns wijfs in deen zijde en(de) henricke groetheyns/ in dande(r) zijde alse vander pachtingen van goede(n) gelegen te velpe/ die de voirs(creven) henric groetheyns jegen den voirs(creven) goessen en(de) mabilien/ genomen hadde voe(r) scepen(en) van loven(en) eene(n) sek(er)en t(er)mijn duerende om/ eene(n) sek(er)en pacht jairlix d(aer) af te betale(n) van welke(n) pachte de/ voirs(creven) giel(ijs) hiesch vande(n) geheele(n) t(er)mijn betalinge te hebbe(n) oft/ bewisenisse es uutgedragen met desen woirden nae aensprake/ nae antw(er)de en(de) nae tvercl(er)en dat de oude scepen(en) den scepen(en)/ vercleert hebbe(n) Eest also dat de voirs(creven) giel(ijs) den voirs(creven) henrick/ yet aen te spreken heeft vande(n) lesten jae(re) vander voirs(creven)/ pachtingen het sij van pachte of van meswynne(n) dat hij dat/ doin mach mette(n) rechte p(rese)ntib(us) wil(he)lmo lomb(ar)t jacobo ex lye(ming)[en]/ mych(aele) abs(oloens) arnol(do) vync joh(ann)e de hug(ar)d(en) et andr(ee) de voshem scab(inis)/ lovan(iensibus) januarii ulti(m)a a(n)no xxxi[o]