It(em) es gevorwart en(de) verdragen van janne hertshals en(de) ja(n)ne sijne(n) sone/ voirscr(even) voir scepen(en) van loven(e) dat de voirscr(even) scepen(en) brieve selen blive(n) ligge(n)de/ onder gerardo van baussele secretar(is) d(er) stat van loven(e) in alsulker vuege(n)/ datme(n) de voirscr(even) scepen(en) brieve den voirs(creven) janne hertshals ov(er)gheve(n) en(de) telive/ re(re)n sal wa(n)neer hij wilt en(de) hij bege(re)n sal die te hebben also lange als hij/ leeft mair wairt also dat de voirs(creven) jan aflivich worde datme(n) dan de voirscr(even)/ scepen brieve den voirscr(even) janne den jonge(n) en(de) sijne(n) suste(re)n ov(er)gheve(n) sal om/ hoirs voirs(creven) vaders goede beruerlic en(de) omberuerlic te gelike te deylen alsoe/[alsoe] verre als hijse v(er)crege(n) heeft sijd(er) dat lijsbeth van kyesekem sijn yerste wijf/[yerste wijf] sterf en(de) wilen [oec bij] joffr(ouwe) barbelen smachts sijne(n) leste(n) wive en(de) desgelijx sijder/[en(de) des gelijx sid(er)] der doet vand(er) selver joffr(ouwe) barbelen en(de) dat selen sij alle drie gelove(n)/ eerme(n) hen de voirscr(even) brieve ov(er)geve(n) sal niet wed(er)staende den testame(n)te/ lestwerf bijden voirs(creven) janne hertshals en(de) joffr(ouwe) barbelen smachts sijnen/ wive(n) voirs(creven) gemaect Bij alsoe dat de voirs(creven) he(n)neken de sone voir uut
//
hebben sal huys en(de) hof mette(n) wijng(ar)de en(de) sijne(n) toebehoirte(n) gelege(n) inde wijng(ar)t/ strate en(de) drie mudde en(de) xii molevate rogs erfspachts op seke(re) goede geleg(en)/ tusscen de hoelstrate en(de) de pertstrate ende desgelijx twintich rijnsce gulden(en)/ erfleker rente(n) die ter quiti(n)gen staen aen den abdt van sentruden Item/ noch es gevorwart oft de voirs(creven) jan hertshals de vad(er) e(n)nige erfrente(n)/ hier namaels gecrege en(de) hij in weeken pointe van gesunde wa(r)e dat dan/ de voirs(creven) jan sijn sone hem van nuws tot den voirs(creven) nae vercregen erf/ rente(n) oft goede(n) tot behoef als voir met den voirs(creven) scoutbrieve sal moege(n)/ doen beleiden behoudelic dien dat de voirs(creven) brieve ond(er) gerardo van baussel/ voirs(creven) selen blive(n) ligge(n)de in alle d(er) manie(re)n voirs(creven) lomb(ar)t voshem m(ar)cii xii